Alen Simonyanın açıqlamalarını təxribat hesab edirik. Əslində, onlar Rusiya vətəndaşlarını qanunsuz hərəkətlərə təhrik edir və ənənəvi erməni qonaqpərvərliyinə zəhərli siyasi çalar qatır.

Axar.az xəbər verir ki, bu sözləri Rusiya Xarici İşlər Nazirliyinin rəsmi nümayəndəsi Mariya Zaxarova Ermənistan Təhlükəsizlik Şurasının katibi Alen Simonyanın respublikanın cəbhəyə göndərilməkdən yayınmaq istəyən yeni Rusiya vətəndaşları dalğasını qəbul etməyə hazır olması barədə sözlərini şərh edərkən deyib.

O qeyd edib ki, Simonyan Rusiyada mümkün səfərbərlik barədə spekulyasiyalarda şüurlu şəkildə iştirak edib. Diplomatın sözlərinə görə, səfərbərlik barədə xəbər Rusiya rəsmiləri tərəfindən dəfələrlə təkzib edilib.

Rusiya Xarici İşlər Nazirliyi həmçinin rəsmi İrəvan nümayəndələrinin Moskva ilə ikitərəfli əməkdaşlığı pozan açıqlamalarının davam etdiyini bildirib.