Ana səhifə Gündəm |
ATƏT-in Minsk Qrupunun bütün üzvləri münaqişənin həlli prosesinə öz töhfələrini verməlidirlər.
Bu sözləri Axar.az-a açıqlamasında Ermənistan Xarici İşlər nazirinin müavini Şavarş Köçəryanın Qarabağ konfliktində Türkiyənin rolu ilə bağlı fikirlərini şərh edən Azərbaycan Xarici İşlər Nazirliyinin Mətbuat Xidmətinin rəhbəri Hikmət Hacıyev söyləyib.
"Biz bir qayda olaraq Ermənistanın xarici işlər nazirinin bioloq müavini Şavarş Köçəryanın sərsəm açıqlamalarını şərh etmirik. Bu insan xarici siyasət və diplomatiyadan uzaq olduğunu verdiyi cəfəng açıqlamaları ilə sübut edir. Onun son açıqlamasına gəldikdə isə Şavarş Köçəryana xatırlatmaq istərdik ki, Türkiyə ATƏT-in Minsk Qrupunun üzvüdür. ATƏT-in Minsk Qrupunun bütün üzvləri də münaqişənin həlli prosesinə öz töhfələrini verməlidirlər", - deyə o bildirib.
Qeyd edək ki, Rusiya Xarici İşlər naziri Sergey Lavrov İrəvanda jurnalistlərə açıqlamasında Türkiyənin Qarabağ konfliktinin həlli prosesində pozitiv rol oynayacağını söyləmişdi. Ermənistan Xarici İşlər nazirinin müavini Şavarş Köçəryan isə Türkiyənin Qarabağ konfliktinin həlli prosesində yeri olmadığını bildirib.
Tarix
2016.10.17 / 14:05
|
Müəllif
İlkin Həsənov
|