Su-24 insidenti Moskva və Ankaranın yaxınlaşmasını istəməyən qüvvələrin xaricdən provokasiyası olmadan törədilə bilməzdi.

Axar.az xəbər verir ki, bunu "Sputnik" agentliyinə müsahibəsində Azərbaycan Prezidenti İlham Əliyev söyləyib.

Prezidentin sözlərinə görə, Türkiyə və Rusiya münasibətlərində normallaşma ədalətin bərpasıdır:

"Yəqin ki, səbəblər analiz ediləcək. Bizim məlumatımıza görə, artıq analiz edilib. Burada Rusiya və Türkiyə yaxınlaşmasına narahatlıqla baxan qüvvələrin müdaxiləsi olub. Hadisə baş verən ilk anlarda bizim ağlımıza gələn variantlardan biri də provokasiyanın istisna edilməməsiydi. Ona görə ki, Rusiya təyyarəsinin vurulması qətiyyən Türkiyənin maraqları çərçivəsində deyildi. Kiminsə düşünülmüş şəkildə belə düşmən xarakterli akta imza atmasını biz müəyyənləşdirə bilmədik. Aydındır ki, belə faciəvi hadisədən sonra emosiyalar işə düşdü. Onlar situasiyanı daha da gərginləşdirdilər və buna görə də orada baş verənləri aydınlaşdırmaq çətin oldu. Artıq emosiya üzərinə emosiya yığıldı, hər söz cavaba ehtiyac yaratdı. Bunu dayandırmaq lazım idi. O dayandırıldı. İndi artıq aydınlaşdırmaq lazımdır. Mən düşünürəm və az qala əminəm ki, bu insident provokasiyasız olmayıb. Ona görə ki, Rusiya-Türkiyə münasibətlərinin ruhu və xarakteri Rusiya hərbi aviasiyasının uçuşuna belə reaksiya verilməsinə qətiyyən imkan vermirdi".