2020-ci ildə Rusiya Liberal Demokrat Partiyasının sabiq rəhbəri Vladimir Jirinovskinin Rusiyada taun (vəba) xəstəliyi təhlükəsi barədə xəbərdarlığı yenidən gündəmə gəlib.

Axar.az xəbər verir ki, Jirinovskinin 6 il əvvəl Dövlət Dumasında çıxışı sosial şəbəkələrdə yayılıb.

“Taun sərhədlərimizdədir. Təhlükə altında olmadığımız deyilərək bizə yalan məlumat verilir. Bu xəstəlik monqolları və çinliləri təhdid edir, amma ruslara toxunmur? Cəmi beş metr irəliləyirsən və artıq Rusiyadasan. 200 nəfər öləcək, ondan sonra karantin elan edəcəksiniz!” - Jirinovski çıxışında bildirmişdi.

Qeyd edək ki, Rusiyanın İrkutsk vilayətində yayılan ağciyər taunu nəticəsində 1 nəfər ölüb, 199 nəfər isə xəstəxanalara yerləşdirilərək, karantində saxlanılır.