Ana səhifə Gündəm |
Bu gün radio və televiziya işçilərinin peşə bayramı günüdür.
Axar.az xatırladır ki, Bakıda ilk radio qurğusu 1924-cü ildə quraşdırılıb. 1926-cı il noyabrın 6-da isə ilk Azərbaycan radiosu fəaliyyətə başlayıb. O vaxtdan sözügedən tarix radio işçilərinin peşə bayramı günü kimi qeyd olunur.
Həmin dövrdə radio verilişlərinin gündəlik efir vaxtı cəmi 2 saat olub. Sonradan isə bu vaxt 4 saata, daha sonra 6 saata çatıb.
Uzun illər radio və televiziya sahəsində çalışan professor Qulu Məhərrəmli Feysbuk səhifəsində Azərbaycan radiosunun ilk əməkdaşlarının fotolarını paylaşaraq bu sözləri yazıb:
"Milli radiomuzun tarixində iz qoymuş insanlar: Azərbaycan radiosunun ilk diktoru İsmayıl Əlibəyov (1927), nakam şairimiz Hüseyn Natiq də daxil olmaqla ilk əməkdaşlar (1928), unudulmaz diktor və bədii qiraət ustası Soltan Nəcəfov (1931), Azərbaycanın möhtəşəm səsi - Aydın Qaradağlı, radio-diktorlar - Sabutay Quliyev və Züleyxa Hacıyeva".
Həmkarlarımızın peşə bayramını təbrik edirik!
Tarix
2016.11.06 / 09:00
|
Müəllif
Aqşin Evrən
|