Axar.az
Yuxarı

Uşaq qatili Sərkisyan Alxanlını niyə hədəfə aldı?

Ana səhifə Gündəm
12 Punto 14 Punto 16 Punto 18 Punto

Ermənilərin tələbi cəbhə xəttində olan kənd və qəsəbələrin boşaldılmasıdır, bu isə Azərbaycan üçün yolverilməzdir.

Axar.az xəbər verir ki, bu sözləri politoloq İlqar Vəlizadə cəbhədə baş verənlərlə bağlı deyib.

“Hər dəfə belə hadisə baş verəndə biz görürük ki, 25 il ərzində ermənilərin işğalçı siyasəti dəyişilməyib, işğalın başında duran Sərkisyan və onun havadarları da öz siyasəti ilə davam edir. Xocalıda elədikləri vəhşilikləri təkrarlayırlar. Ermənistanın hərbi siyasəti ondan ibarətdir ki, onlar tək hərbçilərlə yox, mülki insanlarla da müharibə aparırlar. Bunların əsas məqsədi etnik təmizləmə və azərbaycanlıları bu yerlərdən didərgin salmaqdır”.

Ekspert bildirib ki, son hadisə konkret olaraq bir mesajdır:

“Bilirsiniz ki, Azərbaycan işğal olunmuş ərazilərin bir qismini azad edib, dinc həyatı bərpa etməyə çalışır. Ermənilərin əsas məqsədi azad olunmuş ərazilərdə dinc həyata imkan verməmək və Azərbaycanı qorxutmaqdır. Əlbəttə, bu əks-effekt verəcək. Azərbaycan tərəfi geri çəkilməyəcək. Sərhəd bölgələrdə yaşayan vətəndaşlarımız öz yurd-yuvalarını tərk etməməklə, Azərbaycan rəhbərliyinə və ordusuna imkan verir ki, hərb planı üzrə hərəkət etsin və cəbhə bölgəsində yaşayan əhalini erməni vandallarının hədəfindən çıxarmaq üçün tədbir görsün”.

Qeyd edək ki, iyulun 4-də saat 20:40 radələrində Ermənistan silahlı qüvvələri tərəfindən Füzuli rayonunun Alxanlı kəndi 82 və 120 millimetrlik minaatanlardan və dəzgahlı qumbaraatanlardan atəşə tutulub. Təxribatı nəticəsində kənd sakinləri 1967-ci il təvəllüdlü Quliyeva Sahibə İdris qızı və 2015-ci il təvəllüdlü Quliyeva Zəhra Elnur qızı (nənə və nəvə) həlak olublar. Qəlpə yarası alan 1965-ci il təvəllüdlü Quliyeva Sərvinaz İltifat qızı xəstəxanaya çatdırılaraq əməliyyata götürülüb.

Tarix
2017.07.06 / 10:44
Müəllif
Samirə Heydərli
Şərhlər
Digər xəbərlər

Rusiya və İran Mehridə toqquşdu: Zəngəzur yolu, ya təzyiq?

İrəvanda azərbaycanlı taksi sürücüsü… - Kütləvi psixoz

Rusiyada komaya düşən qazimiz üçün pul toplanılır - Foto

Ekozyants “ən qədim” erməni mifini darmadağın etdi

Sülhməramlılar Mehridə niyə postlar qurur? – Arşakyan

Qarabağda iki erməni hərbçi yaralandı

Petrosyan Laçında: “müqavimət” hazırlayır, ancaq qorxur…

Azərbaycan şüşə kimi yol çəkib - Ohikyan

Azərbaycanın mərkəzində Bakıya qarşı təxribat - Foto

DTX-nin həbs etdiyi Məlikov: erməni qayınlarla oyun…

KULT
Xəbər xətti
Axar.az'da reklam Bağla
Reklam
Bize yazin Bağla