Axar.az
Yuxarı

“Azərbaycan lokal hərbi əməliyyata başlaya bilər”

Ana səhifə Gündəm
12 Punto 14 Punto 16 Punto 18 Punto

"Azərbaycan ərazi bütövlüyü üçün lokal hərbi əməliyyata başlaya bilər. Belə məqamda mən Ermənistana məsləhət görərdim ki, müqavimət göstərməsin. Çünki müqavimət onlara baha başa gələr".

Bu sözləri Axar.az-a politoloq Qabil Hüseynli Qarabağ məsələsi ətrafında son günlər iddia edilən fikirləri şərh edərkən deyib.

O, Qarabağın geri qayıtması ilə Azərbaycanla Rusiya arasında münasibətlərin yeni mərhələsinin başlayacağını qeyd edib:

"Azərbaycan Qarabağ üçün Rusiya ilə müəyyən kompromislərə gedə bilər. Amma bu kompromislərin içərisində Kollektiv Təhlükəsizlik Müqaviləsi Təşkilatına qoşulmaq məsələsi yoxdur. Məsələn, Gömrük İttifaqı, Avrasiya İttifaqı ideyası müzakirə obyekti ola bilər. Bu, yalnız o zaman mümkün ola bilər ki, Azərbaycanın ərazi bütövlüyü ilə bağlı məsələlərdə Rusiya bitərəf mövqe tutsun və Ermənistana himayədarlıq etməsin. Əgər bunların hamısı baş tutsa, Azərbaycan Qarabağın ətrafındakı rayonları geri qaytarmaq üçün əməliyyatlara başlasa, o zaman Moskva ilə Bakı arasında münasibətlərin yeni mərhələsinin əsası qoyulmuş olar. Bu mərhələdə Azərbaycan Rusiyaya müəyyən güzəştlər edə bilər. Güzəştlərin əsasını isə Avrasiya İttifaqı məsələsi təşkil edir. Düzdür, bu dəqiqə həmin məsələ gündəlikdə deyil. Biz hələ torpaqlarımızın dərdini çəkirik".

Politoloq Azərbaycanın öz problemini həll etmək səlahiyyətində olduğunu söyləyib:

"Qarabağ münaqişəsində eskalasiya məsələsini ermənilər yaradıblar. Bu isə rusları bura dəvət etməklə mümkün olub. Azərbaycan çalışır ki, Rusiya hansı proseslər başlayacağından asılı olmayaraq, konfliktə müdaxilə etməsin. Ermənistan sadəcə haray qoparır. Onlar yaxşı bilirlər ki, Rusiya İrəvana kömək etməsə, çox güclü hərbi gücə malik Azərbaycan qarşısında hansı vəziyyətə düşə bilərlər. Baş verən hadisələr təbii tarixi prosesdir. Vaxtilə təcavüzə məruz qalan ölkə indi ayaq üstə dik durub. Beynəlxalq vasitəçilər bu işdə heç bir nailiyyət əldə edə bilmədilər. Problemi özümüzün həll etməyə çalışmağımızdan isə kimsə əndişələnməməlidir. Bölgədə heç bir hərbi eskalasiya baş verməyəcək. Ola bilər ki, Azərbaycan öz ərazi bütövlüyünü təmin etməkdən ötrü məhdud xarakterli əməliyyat aparsın. Bununla da işlər başa çatacaq. Mən ermənilərə müqavimət göstərməməyi məsləhət görərdim. Çünki belə məqamda müqavimət ermənilərə baha başa gələ bilər. Güman edirəm ki, Rusiya Cənubi Qafqazdakı proseslərə qatışmayacaqsa, Minsk Qrupunun vasitəçilik səylərinə də ehtiyac qalmayacaq. Ona görə ki, Azərbaycan öz problemini həll etmək gücündə və səlahiyyətindədir".

Qeyd edək ki, Füzuli hücumu və Rusiyanın Azərbaycana satdığı T-90C tanklarından sonra erməni mətbuatında kəskin narahatlıq müşahidə edilməkdədir. Erməni politoloqlar isə öz açıqlamalarında artıq Qarabağın Azərbaycana qaytarılacağı bəyanatlarını səsləndirməyə başlayırlar.

Tarix
2014.06.05 / 14:22
Müəllif
İlkin Həsənov
Şərhlər
Digər xəbərlər

Kərim Vəliyev Polad Həşimovun məzarı önündə - Video

Bakının işğalından sonra 15 general... - Misir mətbuatı

Azərbaycan Ordusu tarix yazdı – Yücel Karauz

Ərdoğanın baş müşaviri Azərbaycanı təbrik etdi

Zakir Həsənov Azərbaycan Ordusunu təbrik etdi

Mehriban Əliyevadan Ordu günü ilə bağlı paylaşım

Afina səfərindən imtina edib, Türkiyəyə gəldi – Səbəb

Azərbaycan-Rusiya sərhədində buraxılış gücü artırılır

Bayramovdan Ordu Günü ilə bağlı paylaşım

Ordumuzun yaranmasından 104 il ötür

KULT
<>
Xəbər xətti
Axar.az'da reklam Bağla
Reklam
Bize yazin Bağla