Ermənistan-Azərbaycan cəbhə xəttində atışmalarda yaralanan və Türkiyədə müalicə olunan əsgərlərimizi ziyarət edənlərin ardı-arası kəsilmir.

Axar.az xəbər verir ki, Türkiyədə səfərdə olan D18 Hərəkatının sədri Ruslan İzzətli Atatürk Təhsil və Araşdırma Xəstəxanasına gətirilən və iki ayağını itirən 19 yaşlı əsgərimiz Sərxan Tahirzadəni ziyarət edib, səhhəti ilə maraqlanıb. R.İzzətli görüş zamanı qeyd edib ki, bu gün əsgərlərimizin Türkiyədə müalicə olunması Azərbaycan-Türkiyə qardaşlığının, Türkiyəmizin hər zaman yanımızda olduğunun bir nümunəsidir.

R.İzzətli daha sonra digər əsgərlərin valideyinləri ilə görüşüb.