"Bakı üçün ən sərfəli variant daha güclü regional oyunçular olan Tehran, Ankara və Moskvanın yanında yer almaqdır".

Bu sözləri Axar.az-a açıqlamasında rusiyalı politoloq Pavel Klaçkov söyləyib.

O, Bakının Qərbə öz fikrini Dmitri Roqozinin Azərbaycana səfəri zamanı dediyini bildirib:

"NATO regionda situasiyanı qeyri-stabilləşdirməkdə davam edir. Rusiya isə buna adekvat cavab verməyə məcburdur. Məncə, Qərb və Rusiya arasında Qafqaz uğrunda mübarizədə Bakı üçün ən sərfəli variant daha güclü regional oyunçular olan Tehran, Ankara və Moskvanın yanında yer almaqdır. Azərbaycan hətta bu cür razılıqdan özünə xeyir də götürə bilər. Dmitri Roqozinin Bakıya səfəri zamanı Azərbaycan kifayət qədər komplimentar şəkildə Rusiyaya qarşı yürüdülən sanksiyalarla bağlı öz fikrini dedi. İraq, Liviya və Ukrayna Qərbin bütün xeyrini öz üzərində hiss edir. Qərbə güzəştə gedən bütün ölkələri qan, dövlətin parçalanması və iqtisadi xaos gözləyir".