"Biz Ukraynada sizin döyüşçülərlə öz təcrübəmizi bölüşürük".

Axar.az xəbər verir ki, bu açıqlama ilə Cövhər Dudayev batalyonunun komandir köməkçisi Amina Okuyeva çıxış edib.

O, Dudayev batalyonunun Ukraynada hələlik xüsusi əməliyyatlarda iştirak etdiyini söyləyib. "Segondya.ua"yə açıqlama verən komandir müavini hazırda sülhə əməl etdiklərini bildirib:

"Biz Ukraynada sizin döyüşçülərlə öz təcrübəmizi bölüşürük. Yəni burada instruktur rolunu oynayırıq. Hələlik hərbi əməliyyatlarda iştirak etməmişik. Dudayev batalyonu yalnız xüsusi əməliyyatlarda iştirak edir. Hazırda batalyonun üç dislokasiya olunduğu bölgə var. Bu dəqiqə sülhü qoruyuruq. Ruslar təəssüf ki, buna əməl etmirlər. Biz burada ona görəyik ki, hazırda təkcə Ukraynanın yox, digər ölkələrin də taleyi həll olunur".

Qeyd edək ki, Dudayev batalyonunun komandiri Cövhər Dudayev və Aslan Masxadov dövründə Çeçen İçkeriya Respublikasının Daxili İşlər naziri olmuş İsa Munayevdir.