Axar.az
Yuxarı

Axar.Az Logo

Türkiyəni İŞİD-lə hansı oyuna çəkmək istəyirdilər – Təhlil

Ana səhifə Gündəm
12 Punto 14 Punto 16 Punto 18 Punto

"Bir tərəfdən İŞİD-in Türkiyə sərhədlərinə yaxın Suriyadakı hərbi əməliyyatları, xüsusilə də kürd şəhəri olan Kobanini seçməsi, başqa bir tərəfdən isə həmin şəhərin PKK yönümlü olması, oradakı peşmərgə dəstələri həqiqətən Türkiyəni çox çətin duruma saldı".

Bunu Axar.az-a açıqlamasında Şərq-Qərb Araşdırmalar Mərkəzinin rəhbəri Ərəstun Oruclu İŞİD və PKK arasında qalan Türkiyənin çıxış alternativlərini şərh edərkən deyib.

Ekspertin sözlərinə görə, Türkiyə İŞİD-ə kürdlərin şəhərinin işğal olunmasına və onlara qarşı qırğın törədilməsinə imkan versəydi, bu, birbaşa Türkiyənin daxili siyasətinə təsir edərdi:

"İŞİD İraqda kürdlərə hücum edəndə Türkiyədə o qədər də reaksiya doğurmadı, çünki İraq kürdləri PKK-ya bağlı deyillər. Amma Kobanidəki kürdlər PKK-çı olduğundan türklərin onları müdafiə etməməsi məhz ölkə daxilində kürdlərin kompakt yaşadığı ərazilərdə etirazlara səbəb oldu. Beləliklə, Türkiyə bir tərəfdən PKK-ya yardım etməkmi, İŞİD-ə göz yummaqmı, 3-cü bir tərəfdən kürdləri müdafiə adı altında Kobaniyə qoşun yeritməkmi kimi çətin duruma düşdü. Əgər Türkiyə bunu etsəydi, Kobani Suriya ərazisi olduğundan Türkiyə 3-cü bir tələyə düşmüş olardı. Çünki bu, Türkiyəni başqa bir dövlətin ərazisinə təcavüzü kimi qələmə verilərdi. Bax bu, Türkiyə siyasəti üçün çox ciddi bir sınaq oldu. İŞİD-ə dəstəkdən söhbət belə gedə bilməz, PKK-ya dəstək vermək Türkiyənin PKK-nı terror siyahısından çıxarmaq olardı ki, bunun arxasınca da bütün dünya dövlətləri o addımı atmaqda sərbəst olacaqdılar. Əgər Türkiyə İŞİD-in kürdlərə qarşı qırğın törətməsinə hərbi müdaxilə edərsə, bu, faktiki olaraq müharibəyə gətirəcəkdi. Daxilində müəyyən itkilər verərək Türkiyənin belə neytral mövqe tutması hələlik ölkədəki vəziyyəti sabit saxladı. Hesab edirəm ki, bu mərhələyədək Türkiyə vəziyyətdən nisbətən yaxşı çıxıb".

Ə.Oruclu baş verənlərin Türkiyə üçün ciddi bir mesaj olduğunu, bu kimi halların təkrarlana biləcəyini bildirib:

"PKK dəstələrinin anti-terror koalisiyası qüvvələri tərəfindən silahlandırıldığının şahidi olduq. Türkiyənin iradəsindən asılı olmayaraq 30-a yaxın dövlətin toplaşdığı İŞİD-ə qarşı koalisiyanın üzvləri faktiki olaraq Kobanidəki kürdləri silahlandırdılar. Məhz həmin koalisiyanın adından silahlandırma gedir. Dolayısı olsa da, prinsip etibarilə Türkiyə də bu siyahıdadır. Kobaninin seçilməsi isə heç də təsadüfi deyildi. Görünür, İŞİD və ya onun sifarişçiləri həmin münaqişəyə məhz Türkiyəni cəlb etmək istəyirlər. Baxmayaraq ki, terrorçular Suriya sərhədlərindən Türkiyəyə də təhlükə yaradırlar. Türkiyənin Suriya ərazisində hərbi əməliyyatlara başlaması bu ölkə üçün yolverilməzdir. Bölgə olaraq Kobaninin seçilməsi sübut edir ki, İŞİD müharibəyə məhz Türkiyəni cəlb etməkdə maraqlıdır".

Tarix
2014.10.28 / 09:00
Müəllif
Aygün Yusibova
Şərhlər
Digər xəbərlər

Qarabağa bu gün də ermənilər gətirildi – Son rəqəm

Prezidentin Şuşada möhtəşəm Xankəndi mesajı

Paşinyanın imzası nəyi göstərir? - Qrafoloq

TRT-nin filmi: Moskva bilir ki, Bakı sonadək gedəcək – Video

Paşinyan müdafiə nazirinə yeni müavin təyin etdi

Erməni spiker türk casusudur? – İrəvanda qalmaqal

Qarabağa bu gün gətirilən ermənilərin sayı açıqlandı

Vaksinasiya Strategiyası təsdiq olundu - Rəsmi

Bakı İrəvana qarşı hərəkətə keçdi: AİHM-ə müraciət

Bu şəxslər dövlət qayğısı ilə əhatə edilib - Hacıyev

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla