ABŞ Prezidenti Donald Tramp və Rusiya Prezidenti Vladimir Putin arasında Budapeştdə gözlənilən görüş Ukraynanın bütün səylərini puça çıxarır.

Axar.az xəbər verir ki, bu barədə “Blumberq” məlumat yayıb.

“Ukrayna Prezidenti Vladimir Zelenski Trampın həm “Tomahavk” raketlərinin göndərilməsi ehtimalı, həm də Senatın Rusiyaya qarşı sanksiyalar tətbiq etmək cəhdləri ilə bağlı son dərəcə qeyri-müəyyən açıqlamalarından dərin narahat olub. Ola bilər ki, bu iki məsələ yenidən qeyri-müəyyən müddətə təxirə salınsın”, - nəşr bildirib.

Strateji və Beynəlxalq Araşdırmalar Mərkəzinin Rusiya və Avrasiya məsələləri üzrə baş elmi işçisi Mariya Sneqovaya bildirib ki, Rusiya ABŞ-ın antirusiya tədbirlərini ləngitməyə növbəti dəfə nail olub:

“Putin ABŞ-ın çox ehtiyac duyduğu silahların Ukraynaya çatdırılmasını və Trampın vəd etdiyi enerji sanksiyalarının həyata keçirilməsini gecikdirməklə mahiyyət etibarilə vaxt qazanır”.