Rəcəb Tayyib Ərdoğan və Vladimir Putin telefon danışığı zamanı mübahisə ediblər.

Axar.az xəbər verir ki, bu barədə informasiyanı Rusiyanın "Moscov Times" qəzeti yayıb.

Qəzet Ərdoğanın Suriyaya qarşı bundan sonra da sərt mövqeyini gücləndirəcəyini və bu konfliktin artıq Türkiyənin daxili məsələsinə çevrildiyini bildirib. Bundan sonra isə Ərdoğan Putindən Əsədə dəstək verməyi dayandırmasını istəyib. Rusiya prezidenti isə bunun qarşılığında Suriyanın daxili işlərinə qarışacağı təqdirdə Türkiyənin qarşısını almaqdan ötrü regionda katostrofik müharibə çıxarmağa hazır olduğunu deyib. Ərdoğan sonda bunun Türkiyəyə qarşı birbaşa müharibə təhdidi olduğunu soruşduqda, Putin yalnız "bu sözləri istədiyiniz kimi qəbul edə bilərsiniz" deməklə kifayətlənib.