"Düşünürəm ki, Azərbaycanın uzun müddət Bakıda sağlam şəkildə saxladığı və qoruduğu erməni kilsəsi fəaliyyətə başlamalıdır".

Axar.az xəbər verir ki, bu açıqlama ilə Türkiyədə fəaliyyət göstərən azərbaycanlı politoloq Orxan Qafarlı çıxış edib. O, bu addımla ermənilərə çox şeyi sübut etməyin mümkün olacağını bildirib:

"Bununla ermənilərə dinlərə necə hörmət etdiyimizi göstərməliyik. Bununla onların bizim məscidlərimizi necə dağıtdıqlarını və hörmətsiz yanaşdıqlarını dünyaya anlada bilərik".

Xatırladaq ki, Azərbaycanın dini tolerantlığı və xalqımızın bütün ibadət ocaqlarına "Allahın evi" olaraq yanaşması ənənəsi dünyada nümunə kimi göstərilir. Bakıda mövcud olmuş yeganə erməni kilsəsi də hazırda yüksək səviyyədə qorunur.

Ermənistanda isə azərbaycanlılara aid yüzlərlə məscidin hamısı dağıdılıb, hətta Ermənistan Prezidenti Serj Sərkisyanın da Azərbaycan torpağı kimi etiraf etdiyi işğal altında olan Qarabağətrafı rayonlarda da məscidlər məhv edilir.