Ana səhifə Gündəm |
"Rusiya-Türkiyə münasibətlərinin yaxşılaşması Azərbaycanın xeyrinədir".
Axar.az xəbər verir ki, bunu Feysbuk səhifəsində Rasim Musabəyov bildirib.
Türkiyə-Rusiya prezidentlərinin görüşündə yalnız 100 milyard dollarlıq iqtisadi əməkdaşlıq məsələlərinin müzakirə edilmədiyini bildirən politoloq, həmçinin Cənubi Qafqaz və Yaxın Şərqdə Rusiya və Türkiyənin mövqelərinin müzakirə edildiyini qeyd edib.
Rasim Musabəyov Rusiya-Türkiyə münasibətlərinin Ermənistana təsirinin olmayacağını deyib:
"Ankarada keçirilən görüşdən Azərbaycan, Türkiyə və Rusiya qazanclı çıxacaq. Bunun Ermənistana hər hansı bir təsirinin olacağını demək çətindir, hərçənd Rusiyanın vassalıdır amma ənənəvi olaraq Türkiyə ilə düşmənçilik edir. Sərhədlər Azərbaycan ərazilərinin işğalına görə bağlı olaraq qalır. Gürcüstan isə Türkiyə ilə üstün münasibətlərə malikdir amma Rusiya ilə Abxaziya arasında hərbi razılaşma münasibətləri daha da kəskinləşdirib".
Rasim Musabəyov Rusiya-Türkiyə münasibətlərinin regionda həyata keçirilən layihələrinin təhlükəsizliyi baxımından önəmli olduğunu vurğulayıb.
Bakının əhəmiyyətli maliyyə resurslarına malik olduğunu qeyd edən politoloq regionda layihələrin reallaşdırılması istiqamətində Türkiyə və Rusiyanın partnyor kimi çıxış edə biləcəyini bildirib.
Tarix
2014.12.01 / 20:32
|
Müəllif
Pərviz Həsənov
|