Yuxarı

SN-in səlahiyyəti alındı: TƏBİB nələri dəyişəcək?

Ana səhifə Gündəm
12 Punto 14 Punto 16 Punto 18 Punto

Səhiyyə Nazirliyinin iki quruma parçalanmasının uğurlu olduğunu deyə bilmərəm. Məncə, bu, idarəetmənin effektivliyinə pozitiv təsir göstərə bilməz. Səhiyyə Nazirliyini köklü şəkildə yenidən qurmaq lazımdır.

Bu sözləri Axar.az-a açıqlamasında tibb eksperti Adil Qeybulla Səhiyyə Nazirliyinin tərkibindəki bir çox xəstəxana və poliklinikaların TƏBİB-ə (Tibbi Ərazi Bölmələrinin İdarəetmə Birliyi) birləşdirilməsini şərh edərkən deyib. A.Qeybulla bildirib ki, istənilən halda icbari tibbi sığorta olmasa, Qərb təbabətinin standartlarını yaratmasaq, vətəndaşları narahat edən tibbi xidmətdəki problemlər həllini tapmayacaq:

“İcbari tibbi sığorta vətəndaşların sosial müdafiəsinin əsas predmetidir. İcbari tibbi sığorta olmayan yerdə Qərb təbabətindən danışmaq mümkün deyil. Bu baxımdan hesab edirəm ki, indi əsas məsələ sığorta ilə bağlı olmalıdır. Səhiyyə Nazirliyindən xəstəxanaların əksər hissəsini ayırıb ayrıca bir strukturda birləşdirmək nə verəcək? Əlavə qurum yaratmağa ehtiyac vardımı? İdarəetməsinin optimallaşdırılması baxımından bu addım münasibdirmi? Məncə, ya Səhiyyə Nazirliyi qalmaqla qurumun təkmilləşdirilməsi və sığortanın yaradılması həyata keçirilməli, ya da bu qurum tamamilə ləğv edilib bütövlükdə hamısı TƏBİB-ə birləşdirilməli və icbari tibbi sığortanın tətbiqinə başlanılmalıdır”.

Ekspert bildirib ki, İcbari Tibbi Sığorta Fondu da ləğv olunmalıdır. Onun fikrincə, bu, Sosial Müdafiə Fondunun tərkibində olmalıdır:

“Türkiyədə buna Sosial Güvənlik Qurumu olan bir fond rəhbərlik edir və bunun əsas məqsədi də həm pensiya işlərini, həm sosial müdafiə, həm də icbari tibbi sığorta məsələlərini həll etməkdir. Əlavə qurumların hər biri dövlət idarəetməsini optimallaşdırmır, əksinə problem yaradır”.

Xatırladaq ki, Baş nazir “Tibbi Ərazi Bölmələrinin İdarəetmə Birliyi” publik hüquqi şəxsin tabeliyindəki tibb müəssisələrinin Siyahısı”nı təsdiq edib. Fərmana əsasən, sığorta sistemiylə maliyyələşən səhiyyə müəssisələri TƏBİB-in tərkibinə keçməlidir. Fərmanın icrası olaraq, Novruz Məmmədovun qərarıyla bəzi səhiyyə müəssisələri Səhiyyə Nazirliyinin tabeliyindən çıxaraq, TƏBİB-in tabeliyinə keçib.

Tarix
2019.04.26 / 08:00
Müəllif
Nigar İxtiyarqızı
Digər xəbərlər

Yaxınlarda sülh sazişi ilə bağlı yaxşı xəbər ola bilər - Mirzoyan

Prezident faşizmlə mübarizədə həlak olanların xatirəsini andı

Prezident və xanımı Fəxri xiyabanda... - Foto

Azərbaycan hərbçiləri Qırmızı meydanda - Video

Azərbaycanla danışıqlarda Rusiyaya ehtiyacımız yoxdur

İlham Əliyev Almaniya Kanslerinə məktub göndərdi

Prezident Daniel Noboa Azini təbrik etdi

İlham Əliyev Roma Papası XIV Leonu təbrik etdi

Azərbaycan faktları təqdim etdi, araşdırdıq ki… - Qriqoryan

Niyə yeni Papa amerikalı seçildi? - Çin faktoru…

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla