"Ermənistanın yəhudi icması İkinci Dünya Müharibəsi zamanı Vermaxtın tərkibindəki 2000 nəfərlik erməni legionunun qəddarlığını və satqınlığını heç vaxt unutmayıb".

Axar.az xəbər verir ki, bu açıqlama ilə İsrail eksperti Arye Qut Amerika yəhudi diasporunun ən populyar "Algemeiner" ("The Algemeiner") qəzetində çıxış edib.

O, Ermənistan hökumətinin ölkədə getdikcə genişlənən antisemitizmi cilovlamaq üçün praktiki olaraq heç bir tədbir görmədiyini söyləyib:

"Minlərlə yəhudinin qətlə yetirilməsində şəxsən iştirak etmiş millətçi qoşun başçısı Dro başda olmaqla erməni legionunun məqsədi alman ordusu üçün "arzuedilməz" yəhudilərin və başqa millətlərin məhv edilməsi idi. Erməni legionu cəza düşərgələrində ölüm marşları təşkil edirdi. Bu şəraitdə təəccüblənməyə dəyməz ki, Ermənistanın yəhudi əhalisinin əksəriyyəti ya Ermənistandan qaçır, ya da diqqəti çox cəlb etməmək üçün ermənilərlə nikah bağlayırdı. Təəssüf ki, Ermənistan hökuməti ölkədə get-gedə genişlənən antisemitizmi cilovlamaq üçün praktiki olaraq heç bir tədbir görmür. Ermənistan məhdud millətçilik siyasəti yeritdikcə, özünün iqtisadi və siyasi problemlərinə görə başqalarını təqsirləndirdikcə, Ermənistanda qalan bir neçə yüz yəhudi əziyyət çəkməkdə davam edəcək".