Axar.az
Yuxarı

Ərdoğan niyə nüvə silahına can atır? - Təhlil

Ana səhifə Gündəm
12 Punto 14 Punto 16 Punto 18 Punto

Regional şərtlər Türkiyənin nüvə silahına yiyələnməsinin aktuallığını artırır.

Axar.az xəbər verir ki, bu sözlər “Atlas” Araşdırmalar Mərkəzinin təhlilində qeyd edilib. Analizdə Türkiyə Prezidenti Rəcəb Tayyib Ərdoğanın belə bir açıqlama verməsinin bir neçə səbəbi olduğu bildirilib:

“Birincisi, ABŞ İranla nüvə anlaşmasından çıxdıqdan sonra Tehran yenidən uranın zənginləşdirilməsinə başlayıb. İran hazırda uranı 20 faiz zənginləşdirib. Məlumdur ki, nüvə silahı əldə etmək üçün uranı 80-90 faiz zənginləşdirmək lazımdır. Aydındır ki, İranın imkanları uranı bu səviyyəyə qədər zənginləşdirməyə imkan verir. Bunun üçün İranın lazımi infrastrukturu və elmi potensialı var. Bundan başqa İranın nüvə başlıqlarını daşıya biləcək raketləri də var və yeniləri sınaqdan keçirilir.

İran Türkiyənin qonşusudur. Doğrudur, iki dövlət arasında münasibətlər normaldır, ancaq sabah şərtlərin dəyişməyəcəyindən heç kim sığortalanmayıb. İsrailin də keçmiş illərdə Türkiyə ilə yaxşı münasibətləri olsa da, indi bundan əsər-əlamət qalmayıb. İranın nüvə silahını əldə etməsinə yaxınlaşması Türkiyəni də nüvə silahına yiyələnməsinə marağını artıracaq.

İkincisi, İsrailin də nüvə silahı var. İsrail rəsmiləri bu haqda heç zaman açıqlama vermirlər. Ancaq hamı bilir ki, İsrailin kifayət qədər nüvə arsenalı mövcuddur”.

Mərkəzin təhlilində Türkiyənin nüvə silahına yiyələnməsinin həm də təhlükəsizlik baxımından vacib olduğu öz əksini tapıb:

“Beləliklə, bölgədə nüvə silahı olan dövlətlərin sayı artır. İrana, İsrailə, Pakistana və Hindistana nüvə silahı ona görə lazımdır ki, heç bir dövlət onunla müharibəyə başlamağa, torpaqlarının işğalına risk etməsin. Məsələn, Ukrayna 1994-cü ildə Budapeştdə Rusiyanın xeyrinə nüvə silahından imtina etməsəydi, bəlkə Kreml 2014-cü ildə Krımı ilhaq etməyə risk etməzdi. Dinamik inkişaf edən və bölgədə xeyli rəqibi olan Türkiyənin də nüvə silahına yiyələnməsinə ehtiyacı artır. Bu, Türkiyəyə təhlükəsizlik imkanlarını artırmaq üçün lazımdır. Nüvə silahı Türkiyənin bölgədəki çəkisini artacaq”.

Qeyd edək ki, bundan əvvəl Türkiyə Prezidenti açıqlamasında ölkəsinin nüvə silahına sahib olmamasının qəbuledilməz olduğunu demişdi.

Tarix
2019.09.06 / 15:24
Müəllif
Büllurə Yunus
Şərhlər
Digər xəbərlər

İrəvanda azərbaycanlı taksi sürücüsü… - Kütləvi psixoz

Rusiyada komaya düşən qazimiz üçün pul toplanılır - Foto

Ekozyants “ən qədim” erməni mifini darmadağın etdi

Sülhməramlılar Mehridə niyə postlar qurur? – Arşakyan

Qarabağda iki erməni hərbçi yaralandı

Petrosyan Laçında: “müqavimət” hazırlayır, ancaq qorxur…

Azərbaycan şüşə kimi yol çəkib - Ohikyan

Azərbaycanın mərkəzində Bakıya qarşı təxribat - Foto

DTX-nin həbs etdiyi Məlikov: erməni qayınlarla oyun…

Yevdayevdən səfirliyimizə hücuma - Münasibət

KULT
Xəbər xətti
Axar.az'da reklam Bağla
Reklam
Bize yazin Bağla