Həbsdə nəzarətçini döydüyü üçün cəzası 5,5 il artırılan Lamiyə Quliyevanın apelyasiya şikayətinə baxılacaq.

Məhkumun vəkili Fəxrəddin Mehdiyev "Modern.az"a bildirib ki, protestə fevralın 12-də Bakı Apelyasiya Məhkəməsində baxılacaq.

Proses saat 12:30-da başlayacaq. Onun sözlərinə görə, Lamiyənin cəzasının daha 5 il yarım artırılması haqda qərardan prokurorluğun verdiyi protestə məhkəmədə baxılacaq.

Vəkil ümid edib ki, cəzası yüngülləşəcək.

Axar.az-a daxil olan məlumata görə isə Lamiyənin həbsdə övlad dünyaya gətirməsinin ictimailəşməsi, bu hadisə ətrafında yaranmış ajiotaj, parlamentin məsələyə reaksiyası, Penitensiar Xidmət rəisinin çıxışı məhkumun azadlığa buraxılması üçün perspektiv yaradıb. O da bildirilir ki, Lamiyənin məhkəməyə gətirilməsi istisna deyil.

L.Quliyeva Şəmkirin keçmiş icra başçısı Aslan Aslanovun oğlunu qətlə yetirməkdə ittiham olunaraq 2003-cü ildə 10 il müddətinə azadlıqdan məhrum edilmiş, daha sonra isə cəzası 5,5 il artırılmışdı.