Axar.az
Yuxarı

Putinin diplomatik “gülüşü” nə vəd edir? – Rəy

Ana səhifə Gündəm
12 Punto 14 Punto 16 Punto 18 Punto

"Proses ən yaxşı halda dondurula bilər".

Bu sözləri Axar.az-a açıqlamasında politoloq Qabil Hüseynli deyib. Ekspertin sözlərinə görə, Minsk görüşü gözləntiləri doğrultmayacaq:

"Nikbin deyiləm. Fransa Prezidenti Fransua Olland və Almaniya Kansleri Angela Merkelin Moskvaya səfərindən sonra xüsusən ikincinin pessimist bəyanatlar verməsi, vəziyyətin heç də yaxşılığa doğru getmədiyini göstərir. Üstəlik, liderlər Moskvadan getdikdən sonra Rusiya prezidenti öz ölkəsinin qubernatorlarını, bir növ aktivini toplayaraq bildirdi ki, biz birqütblü dünyanı heç vaxt qəbul etməyəcəyik. Rusiya qarşısına bir məqsəd qoyub. Məqsəd odur ki, Rusiya ABŞ-ın hökmran olduğu dünyanı heç vaxt qəbul etməyəcək. Putin ölkəsinin ABŞ kimi dünyanın taleyini həll edən bir ölkə olmasını istəyir. Bu da onu göstərir ki, Ollandın, Merkelin üzünə diplomatik "gülümsəmək" olar. Minskdə dörd liderin iştirakı ilə görüş olacaq. Həmin görüşdə təmas nöqtələrinin dəqiq müəyyənləşdirilməsi və eyni zamanda sülh prosesinin yaradılması və inkişafı ilə bağlı məsələlər müzakirə ediləcək. Bu da o deməkdir ki, proses ən yaxşı halda dondurula bilər. İndiki şəraitdə separatçılar nəzarət altında saxladıqları ərazilərdə həmişə üstün olacaq. Onlar mərkəzi hakimiyyətə tabe olmayacaq. Sülh danışıqları adı altında Kiyevin silahlı qüvvələri 50 kilometr geriyə çəkiləcək və nəticə etibarı ilə separatçılar üçün bölgədə münbit şərait yaranacaq. Sərhəddə Ukraynanın mövqeyi zəif olduğundan Rusiya da daima separatçılarla təmasda olacaq. Bir sözlə, ən yaxşı halda proses dondurulmuş münaqişəyə çevrilə bilər. Necə ki Dağlıq Qarabağ problemi dondurulmuş münaqişə kimi uzun illərdir öz həllini tapmır. Problemin həlli istiqamətinə heç bir addım atılmayacaq".

Petro Poroşenkonun federativ dövlət quruluşuna isti baxdığını deyən Q.Hüseynli bunun heç də mənfi fəsadlara gətirib çıxaracağını düşünmür:

"Poroşenko müəyyən bir keçid dövrü üçün Rusiyanı neytrallaşdırmağa çalışır. Əgər həqiqi federativ quruluş olarsa, federasiyanın qanunlarına riayət edilərsə, bu, Ukraynaya o qədər də ziyan gətirməz. Rusiya da federasiyadır. Amma Putinin hər sözü federasiya subyektlərində canla-başla yerinə yetirilir. Məsələn, Rusiyanın ən böyük muxtariyyət səlahiyyətlərinə malik iki respublikası var – Tatarıstan və Çeçenistan. Onların prezidentləri Putinin hər bir əmrinə hazırdır. Federallaşma elə də təhlükəli deyil. Amma ərazi bütövlüyü sual altındadır. Federativ quruluş yaradılarsa, separatçılara müəyyən muxtariyyət veriləcək. Amma onlar tabe olmalıdır. Onların mərkəzi Kiyevə vertikal surətdə tabe olmalarının qanuni yolla təşviq edilməsi, məncə, münaqişənin həllinə töhfə verə bilər".

Tarix
2015.02.10 / 08:45
Müəllif
Şəmsəddin Ənsar
Şərhlər
Digər xəbərlər

Rusiya Naxçıvana gedəcək yolla bağlı işlərə başladı

Bu dəfə müharibə Ermənistan üçün... – “Yerusəlim Post”

Kəlbəcərdə nə qədər qızıl, civə var? - Statistika

Şanlı ay-ulduzumuz Kəlbəcərdə dalğalanacaq – Türkiyə MN

Savaş bitməyib, əlavə torpaqlar itirə bilərik - Video

Mən də narazıyam: Bəyanatı imzalayan zaman... – Paşinyan

Sülhməramlılar Laçında bu işləri görürlər

Erməni deputatın açıqlamasına Çavuşoğludan sərt cavab

Kəlbəcərdən ilk görüntülər - Video

Erməni vandalizminin izləri - Video

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla