Rusiya qüvvələri Ukraynaya daha çox zərbə dronları buraxmağa başlayıblar. Təkcə sentyabrda Rusiya tərəfi 5500-dən çox PUA hücumu təşkil edib.

Axar.az xəbər verir ki, bu barədə Britaniya kəşfiyyatının məlumatında deyilir.

Bildirilib ki, avqustda ruslar 4100 drondan istifadə edib.

Britaniya kəşfiyyatı hesab edir ki, Rusiya avqustda daha az pilotsuz təyyarələr buraxıb, çünki Moskva Ukrayna ilə danışıqlara hazır görünmək istəyirdi. Bununla belə, oktyabrda bu günə qədər Rusiya 3 mindən çox PUA buraxıb.

Məlumata görə, Rusiyanın prioritet hədəfi Ukraynanın kritik infrastrukturudur. Qeyd olunur ki, ruslar istilik mövsümünə qədər Ukraynanın enerji sisteminə mümkün qədər çox ziyan vurmaq istəyir.