Almaniyanın Saksoniya-Anhalt vilayətində koronavirusla mübarizə çərçivəsində tətbiq edilən cərimələr dünya mediasının diqqətini çəkib.

Axar.az xəbər verir ki, karantin rejimini pozanlar üçün bu vilayətdə tətbiq edilən cərimələr çox yüksək olması ilə seçilir.

Belə ki, Saksoniya-Anhalt vilayətinə turistik girişə görə 400 avro cərimə nəzərdə tutulub. Karantin qaydalarını pozmaqla 2 metrdən az məsafə saxlayan şəxslər isə 1000 avro cərimələnir.

Uşaq oyun yerlərində (açıq havada) oynamaq 100 avro, xəstəxanalarda və ya qocalar evində görüşə görə 250 avro cərimə var.

Virus şübhəsi olan və ya yoluxmuş şəxslə əlaqədə olmağa görə cərimə 500 avrodur.

Ailə üzvü olmayan şəxslə gəzintiyə və ya bir nəfərdən (ailə üzvü olması mütləqdir) artıq şəxlə gəzintiyə, meşə, çay və ya göl kənarlarında piknikə görə 250 avro cərimə alınır.

Polisin göstərişinə qarşı çıxmaq isə 2000 avro, bu hal ikinci dəfə təkrarlanarsa, 25000 avro cərimə və ya 2 il həbsə səbəb olur.