"Son zamanlar bəzi erməni yazarlar Qarabağla bağlı açıq etiraflar edərək ermənilərin əsl üzü haqqında və vaxtilə vətənlərinə xəyanət etmələri ilə bağlı inanılmaz həqiqətləri açıqlayıblar".

Bu haqda Axar.az-a ermənişünas, BDU-nun Erməni Araşdırma Mərkəzinin böyük elmi işçisi İsmayıl Tanrıverdi danışıb. Ekspert, həmin şəxslərin hazırda Ermənistanda KQB tərəfindən izlənilərək təqib edilidiyini bildirib:

"Bu şəxslərdən biri erməni əsilli amerikalı yazıçı Armen Melikyandır ki, o, 2002-ci ildən indiyə qədər erməni hakimiyyət dairələri tərəfindən təqib və təhqirlərə məruz qalır. Bütün bunlara baxmayaraq, ermənilərlə bağlı fikrindən heç vaxt dönməyib. O, ermənilərin sözdə ifadə etdiyi soyqırımın həqiqət olmadığını bildirir. Bu yaxınlarda Los Ancelesdə keçirilən mətbuat konfransında açıq şəkildə anadangəlmə qabiliyyətsiz ermənilərlə mədəniyyət, ədəbiyyat və siyasət sahəsində bütün əlaqələrini köklü şəkildə kəsdiyini və onların haramzada olduğunu bildirib.

O, 2002-ci ildə ABŞ tərəfindəın dövlət səviyyəsində Ermənistana göndərilərək 2 il ərzində ABŞ və Ermənistanın epik ənənələrinin tədqiqatı ilə məşğul olub. Onların çox ciddi bir milliyətçilik xəstəliyinə tutulması haqqında yazaraq ermənilərə qarşı mübarizə aparıb. "Virginland səyahəti" adlı romanını elə bu ərəfədə yazan Melikyana KQB tərəfindən nəzarət o qədər güclü idi ki, 2011-ci ildə kitabın əlyazmaları ələ keçirilən və təqiblərə məruz qalan yazıçı ölkədən qaçmalı olub. Erməni yalanlarını üzə çıxaran bu kitab ABŞ-da tamamlanmış və 11 mükafata layiq görülüb, hazırkı mövcud erməni milli və dini rejimini pisləyən bir əsərdir. Erməniləri sıfır şüurlu və sıfır hissiyatlı mənəvi meyitlər adlandıran amerikalı Melikyan Ermənistan Milli Təhlükəszilik orqanlarının həbs qərarına baxmayaraq, bu gün Amerika tərəfindən güclü şəkildə mühafizə olunur. Ermənistanda "centelmen" adlandırılan və vətən xaini kimi qələmə verilən bu şəxsin Xocalı soyqırımına görə Azərbaycandan üzr istəyən və hazırda Stokholmda yaşayan Vahe Avetiyanla əlaqələri var".

Ekspert çox önəmli məlumatları bölüşərək, hazırda Azərbaycan vətəndaşı olmaq üçün Prezident İlham Əliyevə müraciət etmək istəyən və Ermənistanda nüfuza malik olan bəzi şəxslərin erməni hökuməti tərəfindən cəzalandırıldığını bildirib:

"Levon Cavatyan və "Elnara" adlı kitabın müəlifi Çubukçyan hazırda həqiqətləri etiraf etdiklərinə görə bütün titullardan məhrum olublar. İkinci şəxsin kitabında "Qarabağ sizindir və sizə qurbandır" fikirləri açıq şəkildə etiraf olunur. Çubukçyan eyni zamanda sabiq deputatdır. Hətta o, Prezident İlham Əliyevə müraciət edərək Azərbaycan vətəndaşı olmaq istəsə də, ermənilər buna imkan verməyib. Cavatyan bu gün Ermənistanda açıq şəkildə etiraf edir ki, "500 il Türkiyənin tərkibində yaşamışıq və güzəranımız da çox yaxşı olub. 1879-ci ildə Rusiya-Türkiyə müharibəsi zamanı biz öz vətənimizi sataraq ruslara kömək etdik və türklərə qarşı vuruşduq. İndi türklər belə halda bizə nə etməldir, başımıza sığal çəkməlidirlər? Türklər ermənilərə qarşı heç vaxt soyqırım törətməyib, erməniləri məhz xəyanətlərinə görə köçürüblər. Qeyd edim ki, hazırda ermənilərin işğalçı siyasətini, uydurma soyqırımı qəti şəkildə psiləyən bu şəxslər həqiqətləri etiraf etdiklərinə görə çox pis həyat tərzinə məruz qalıblar".