Axar.az
Yuxarı

Dağıstandakı olayda şübhəli məqam – Mir Şahin

Ana səhifə Gündəm
12 Punto 14 Punto 16 Punto 18 Punto

Rusiya-Azərbaycan sərhədində baş verən hadisələri diqqətlə izləyirəm. Ölkənin ayrı-ayrı rayonlarında özünü göstərən lokal narazılıq parçalarını da müşahidə edirəm. Ortada şübhəli və təhlükəli əlaqə hiss edirəm.

Axar.az xəbər verir ki, bu sözləri Real TV-nin rəhbəri Mir Şahin Ağayev sosial şəbəkə hesabında bildirib.

O qeyd edib ki, Azərbaycanda qarışıqlıq yaratmaq istəyən qüvvələr əsasən sosial şəbəkələrin fəal istifadəçiləridir:

“Onlar arasında yerli FİTİLLƏR də var, xaricdə oturub burda ocaq qalamaq istəyən CƏHƏNNƏM ODABAŞILARI da. Dövlət maraqlarını qoruyan nüfuzlu şəxslərin telefonlarına xarici nömrələrdən təhdid mesajları gəlir. Sosial şəbəkələrdə cəmiyyət, əhali koronavirusa inanmamağa, qanunlara tabe olmamağa, idarəsizlik, tabesizlik mühiti yaratmağa çağırılır. Bu sahədə təşkil olunmuş böyük basqı var. Sosial şəbəkələr bu gün zərərverici qüvvələrin əlində olan əsas ideologiya-diversiya tribunasıdır. Virtual məkanda faktiki olaraq anti-dövlət qiyamı baş verir. Əhalinin problemlərinin ən həssas yerləri müəyyən edilir və o sahə “işlənir”. Xüsusi qabardılır. Məsələn, bu gün o sahə su mövzusudur. Suriya hadisələrini ciddi araşdıran analitik kimi qeyd edim ki, orda da təxribatçılar, ərəb qaponları kəndlilərin əkin suyuna ehtiyaclarını ilk etiraz aksiyalarına çevirmişdilər. Sonra axan təkcə su olmadı.

Diqqətli olmalıyıq! Hər bir həmkarımdan, sosial şəbəkə istifadəçisindən xahiş, dövlətin uyğun qurumlarından isə tələb edirəm ki, vəziyyətin ciddiliyini nəzərə alsınlar. Sosial şəbəkələrdə mütəşəkkil cinayətkar qrup kimi fəaliyyət göstərənlərin müəyyən edilərək qanun ayağına gətirilməsini təmin etməyə çalışaq! Qızışdırıcı qüvvələr dərhal zərəsizləşdirilməlidir. İnternet TV-lərin auditoriyasının (böyük-kiçikliyinə baxmadan) mövqelərinin müəyyənləşdirilməsinə nail olunmalıdır. Onlara oynadıqları oyunun təhlükəsi başa salınmalıdır: ya ağılla, ya qanunla! Blogerlər, ayrı-ayrı sərbəst qələm, klaviatura sahiblərinin məsuliyyət hüdudları dürüst göstərilməlidir. Hakim partiyanın 750 min üzvü var. Heç olmasa gənc YAP-çıların böyük bir hissəsi virtual məkana dislokasiya edilməlidir. Bütün antidövlət qüvvələr üzərində xalis qələbə qazanmalıyıq. Xüsusi Rejimin tələbləri Hərbi Vəziyyətin tələblərinə bərabər tutulmalıdır. Geri çəkilməyə yerimiz yoxdur! Arxada Dövlətdir! AZƏRBAYCANDIR!”

Tarix
2020.06.17 / 22:58
Müəllif
Axar.az
Şərhlər
Digər xəbərlər

Əliyev Aşqabadda bir sazişlə iki nəticə əldə etdi

İlham Əliyevin Türkmənistan səfərindən - Fotolar

İlham Əliyevin Türkmənistana səfəri başa çatdı

İlham Əliyev Ərdoğanla görüşdü - Foto

Bakı, Tehran və Aşqabad arasında mühüm saziş

Ərdoğan: Zəngəzur dəhlizinə böyük əhəmiyyət veririk

KTMT-nin 3 üzvü Bakını seçdi - Finkel

Aşqabadda dövlət başçılarının şərəfinə rəsmi nahar verildi

Bakı Moskva və İrəvanın razılığını aldı - Rus ekspert

Deqati İranın bu siyasətini kəskin tənqid etdi - Video

KULT
<>
Xəbər xətti
yatsan
Axar.az'da reklam Bağla
Reklam
Bize yazin Bağla