Axar.az
Yuxarı

Axar.Az Logo

ABŞ-ın Türkiyəyə şok təklifinin səbəbi - Video

Ana səhifə Gündəm
12 Punto 14 Punto 16 Punto 18 Punto

09:00

S-400-lər köhnə bir texnologiyanın təkmilləşdirilmiş formasıdır. Bu mənada inanmıram ki, ABŞ-ın “Patriot”larını qabaqlaya bilsin.

Bu sözləri Axar.az-a açıqlamasında Qlobal və Regional Təhlükəsizlik Problemləri Mərkəzinin rəhbəri, politoloq Qabil Hüseynli ABŞ-ın respublikaçı senatoru Con Tyunun S-400-ləri Türkiyədən satın almaq təklifini şərh edərkən deyib. O bildirib ki, ABŞ Türkiyəni tamamilə itirmək istəmir:

“ABŞ Türkiyənin Rusiyadan S-400-ləri almasından narahatlıq keçirir. Bunu həm respublikaçı senator Con Tyunun S-400-ləri Türkiyədən satın almaq, həm də digər respublikaçı senator Cim Rişin Ankaraya qarşı S-400-lərə görə sanksiyalar tətbiq edilməsi təkliflərindən görə bilərik. Məsələ ondadır ki, S-400-lər Türkiyə üçün həyati əhəmiyyət təşkil edir. Belə ki, Türkiyə uzun illərdir hava hücumundan müdafiə sistemləri almaq istəyir. Bu məqsədlə ABŞ-dan “Patriot” sistemləri istəsə də, Vaşinqton bu məsələdə rəsmi Ankaraya müsbət cavab vermədi. Məhz bundan sonra Türkiyə Rusiyadan S-400-ləri almaq qərarına gəldi. ABŞ isə bu məsələdən olduqca narahatdır. Birincisi, S-400-lərə sahib bir Türkiyə regionda ABŞ üçün başağrısı ola bilər. İkincisi, S-400-lərə sahib bir Türkiyənin "Patriot"lara ehtiyacı olmayacaq. Üçüncüsü, ABŞ Rusiyanın S-400-lərlə NATO sirlərini ələ keçirəcəyini düşünür”.

Politoloqun sözlərinə görə, ABŞ uzun müddətdir S-400-ləri əldə edib texniki parametrləri və digər funksiyalarını araşdırmaq istəyir:

“Rusiyanın S-400 sisteminin "Patriot"larla rəqabət apara biləcəyini düşünmürəm. Lakin bununla belə ABŞ S-400-lər üzərində araşdırma aparmaq istəyir. Bu yolla adı keçən raket sistemlərinin mənfi və müsbət yönlərini öyrənib "Patriot"lar üzərində təkmilləşmə işləri apara bilər. Lakin Con Tyunun S-400-ləri Türkiyədən satın almağı təklifi mənasızdır. Çünki Türkiyə çətin ki, belə bir şeyi qəbul etsin”.

Q.Hüseynli qeyd edib ki, Cim Rişin Ankaraya S-400-lərə görə sanksiyalar tətbiq edilməsi istəyi təhdiddən başqa bir şey deyil:

“Türkiyə Rusiyadan S-400-ü aldığı ilk gündən rəsmi Vaşinqton Ankaraya S-400-lərə görə sanksiyalar tətbiq edəcəyini deyir. Amma göründüyü kimi, Türkiyə belə hədələrə reaksiya belə vermir və yenə də öz bildiyini edir. Türkiyəni belə hədələr ilə yolundan döndərmək çətindir”.

Tarix
2020.07.01 / 10:50
Müəllif
Turan Rzayev
Şərhlər
Digər xəbərlər

Türkiyə yanır: niyə eko-terror, niyə indi? Hədəflər nədir?

Müharibənin ən faciəvi üzünü Ağdamda gördüm - Milkov

FHN təyyarəsi Türkiyədəki yanğınları belə söndürür - Video

Qarşılıqlı hörmətin təşviqində bu ən gözəl vasitədir - Əliyeva

Yanğına görə azərbaycanlılar üçün “qaynar xətt” yaradıldı

Ərdoğan FHN-çilərin işindən danışdı

FHN-in növbəti heyəti Türkiyəyə gedir - Video

Navarro: Ağdamın mənzərəsindən dəhşətə gəldik

Generaldan Türkiyədəki jurnalistlərimizə müraciət

Türkiyədəki xilasedicilərimizin əməliyyat görüntüsü - Video

KULT
<>
Xəbər xətti
  
  
  
yatsan
Axar.az'da reklam Bağla
Reklam
Bize yazin Bağla