Axar.az
Yuxarı

Axar.Az Logo

İlham Əliyev Məkkədə namaz qıldı - Foto

Ana səhifə Gündəm
12 Punto 14 Punto 16 Punto 18 Punto

11:58

Azərtac xəbər verir ki, aprelin 6-da Azərbaycan Respublikasının Prezidenti İlham Əliyev, xanımı Mehriban Əliyeva və ailə üzvləri İslam dünyasının əsas müqəddəs şəhəri Məkkədə ümrə ziyarətində olublar.

Azərbaycan Prezidenti İlham Əliyev, xanımı Mehriban Əliyeva və ailə üzvləri xüsusi libas geyinərək Əl-Həram məscidinə gəliblər.

Bir neçə mərtəbəli və doqquz minarəli məscid öz gözəlliyi və əzəməti ilə insanı heyran edir.

Ziyarətgahın rəhbərləri dövlət başçısını mehribanlıqla qarşılayıblar.

Azərbaycan Prezidenti İlham Əliyev və onu müşayiət edən şəxslər Kəbənin ətrafına dolandılar, məsciddə namaz qılıblar.

Sonra Səfa və Mərvə təpələrinin ziyarəti başlandı. Azərbaycan Prezidenti və ailə üzvləri bu iki təpə arasındakı məsafəni yeddi dəfə qət ediblər.

Həzrəti Məhəmməd (s) bu torpaqda doğulub, peyğəmbərliyə çatıb, İslam dini Məkkədə yaranıb. Məkkədəki Allah evi Kəbə həzrəti Məhəmməd Peyğəmbərin (s) dövründən başlayaraq bütün dünya müsəlmanlarının ən əsas müqəddəs ziyarətgahına çevrilib. Sonralar Kəəbə və müqəddəs "Zəmzəm" çeşməsi, Səfa və Mərvə təpələri arasında əzəmətli məscid tikilib. Hər il həcc ziyarəti zamanı dünyanın ən müxtəlif guşələrindən gələn milyonlarla müsəlman Kəbənin ətrafına dolanır, müqəddəs Qara daşı öpür, məsciddə namaz qılır.

Prezident İlham Əliyev, xanımı Mehriban Əliyeva və ailə üzvləri Kəbəyə daxil oldular, burada namaz qıldılar.

Ayə və hədislərdən də bəlli olduğu kimi, Kəbə Yer üzündə insanlar üçün məbəd olaraq tikilən ilk evdir. Aləmlərə uğur, bərəkət və hidayət qaynağı olaraq qurulan Kəbə haqqında Allah-Təala "Qurani Kərim"in "Al İmran" surəsində belə buyurur: "Həqiqətən, aləmlərdən ötrü bərəkət və doğru yol göstəricisi kimi, insanlar üçün ilk qurulan ev Məkkədədir. Orada aydın nişanələr-İbrahimın məqamı var. Oraya daxil olanın təhlükəsizliyi təmin olunar...".Tarix boyu bir çox dəyişikliklərə məruz qalan Kəbə müxtəlif dövrlərdə qismən, ya da tamamilə yenidən inşa olunub və bugünkü möhtəşəmliyinə çatıb.

Ümrə ziyarəti başa çatdıqdan sonra dövlətimizin başçısı Əl-Həram məscidini seyr edib.

Azərbaycan Prezidentinə məscid haqqında ətraflı məlumat verilib.

Tarix
2015.04.07 / 13:06
Müəllif
Axar.az
Şərhlər
Digər xəbərlər

Ermənilərin Qarabağda tapdığı meyitlərin sayı 1543-ə çatdı

Tarixçidən şok: Arxivlər Zəngəzuru bu ölkəyə aid edir - Foto

Ermənilərin "genosid" oyunu: Azərbaycan hədəfdə

Sərkisyanın qalmaqallı səfəri: Tiflisə xəbərdarlıq edilməlidir

Rus sülhməramlıları Xocalıda məntəqə qurdu

Türk düşmənçiliyi: Armen yazdı, Zurabişvili niyə paylaşdı? - Foto

Üç ölkə birləşir: Xankəndidə antiterror əməliyyatına ehtiyac var

İtaliya mediasından Əliyevin sözlərinə böyük diqqət

Sahibə Qafarova MDB PA-nın iclasında çıxış etdi

ABŞ Rusiyanı necə çökdürür? – Unikal plan

KULT
<>
Xəbər xətti
  
  
  
yatsan
Axar.az'da reklam Bağla
Reklam
Bize yazin Bağla