FNKA "AzərRos"da aparılan fikir ayrılıqları təkcə Rusiyadakı azərbaycanlıları deyil, həm də öz tarixi torpaqlarında yaşayan azərbaycanlıları da narahat edir.

Axar.az xəbər verir ki, Abbas Abbasov və onun əhatəsindəki insanların fəaliyyəti nəticəsində yaranan konfliktli situasiya ümumrusiya səviyyəsində münaqişə yaradıb. Yaranmış vəziyyətə təkcə Azərbaycanın regional təşkilatları deyil, Ümumrusiya Azərbaycan Konqresinin Sankt-Peterburq, Moskva, Volqoqrad, Murmansk, Stavropol, Perm və Ulyanovsk regional şöbəsindən də reaksiya gəlib.

Qurultay öz açıq bəyanatlarında ictimai federal təşkilatların özəlləşdirmə cəhdlərini kəskin şəkildə tənqid edib və vurğulayıb ki, şəxsi maraqların güdülməsi yolverilməzdir. Həmçinin, qeyd olunub ki, bəzi birmənalı qəbul edilməyən məqamlar, FNKA rəhbərliyi adından atılan addımlar şübhə doğurur. Qurultay Abbas Abbasovu və himayəsində olanları bu provokasiyaları sonlandırmağa çağırır. Bu gün URO VAK-ın mövqeyini daha açıq şəkildə İslam Hüseynov ortaya qoyur:

– İslam Hüseynov, Ulyanovsk Moskvadan kifayət qədər uzaqda yerləşir. Niyə sizi və sizin komandanızı paytaxtda baş verənlər narahat edir?

– Müasir dünyada məsafələr praktiki heç bir əhəmiyyət kəsb etmir. Paytaxtda baş verən hər bir hadisə regionlara öz təsirini göstərir, biz Azərbaycanın Rusiyadakı milli icmasının bir hissəsiyik. Bəzən isə bu proses əksinə baş verir: regional hadisələr ümumi ictimaiyyətin diqqət mərkəzinə çevrilir.

– Sizcə, "AzərRos"dakı parçalanmanın əsas səbəbi nədir?

– Əslində, hər şey göz qabağındadır. Yaradıldığı gündən 2013-cü ilə qədər hər şey stabil idi – ictimai fəaliyyət göstərilirdi, genişmiqyaslı tədbirlər keçirilirdi, kitablar, jurnallar nəşr olunurdu, "AzərRos" və "Mən Vətəndaşam" qəzetləri buraxılırdı. Təşkilat layiqli sosial və siyasi imic formalaşdırmağa müvəffəq olmuşdu. Onun keçmiş rəhbəri Söyün Sadıqov Azərbaycan rəhbərliyi tərəfindən "Tərəqqi" mükafatına boş yerə layiq görülməyib. Həmçinin, qeyd etmək lazımdır ki, o, 2011-ci ildə – seçkilər ərəfəsində Vladimir Putinin etibar etdiyi əsas şəxslərdən biri idi. Sonra nə baş verdi? Rəhbərlik dəyişdi, Söyün Sadıqov təəssüf ki, sədrlik vəzifəsindən getdi və öz yerini Abbas Abbasovun köməkçisi Asif Məhərrəmova verdi. Abbasov özü isə FNKA-nın Ağsaqqallar Şurasının rəhbərliyini əlinə aldı.

Bundan sonra daxildə problemlər, ziddiyyətlər, anlaşılmazlıq, konfliktlər meydana gəlməyə başladı. Burda isə artıq kimin haqlı, kimin haqsız olması qətiyyən önəmli deyil. Fakt faktlığında qalır ki, yeni rəhbərlik təşkilatın adından istifadə edərək onu öz çirkli əməllərinin vasitəsinə çevirib. Bu isə öz növbəsində təşkilatın işinə və ümumi imicinə təsirini göstərdi.

Tədricən təşkilatın üzvləri Abbasovdan və onun yaxın ətrafından narazı olduqlarını bildirməyə başladılar. Yaranmış çətin vəziyyət Məhərrəmovu istefa verməyə məcbur etdi. Amma nəyə görəsə Azərbaycan vətəndaşı, keçmiş vitse-prezident Abbas Abbasov təkidlə geri addım atmamağa çalışır və hansı məqsədləri güddüyü bizə aydın deyil. O, hüquqdankənar hərəkətləri ilə bizi və təşkilatı süquta sürükləyir.

– Regionlarda Ümumrusiya Azərbaycan Konqresi ilə FNKA "AzərRos" arasında mövcud olan münasibətlər necə səciyyələnir?

– Ümumilikdə dostluq, əməkdaşlıq münasibətləri və sağlam rəqabət müşahidə olunmaqdadır. Ancaq təəssüf ki, bəzi regionlarda – Tatarıstan Respublikası, Çelyabinsk və Ulyanovskiy daxil olmaqla, Abbas Abbasovun bilavasitə müdaxiləsi bu günə qədər həllini tapmamış konfliktli situasiyalar yaradıb. Regionlarda Ümumrusiya Azərbaycan Konqresi və FNKA "AzərRos"un rəhbərliyini eyni adam icra edirsə, o şəxslər Abbasovla əməkdaşlıqdan imtina etdiklərinə görə böyük təzyiqlərə məruz qalırlar. Bu onları təşkilatdan uzaqlaşmağa vadar etdi, onların yerini isə Abbasovun sadiq tərəfdarları aldı. Abbasovla əməkdaşlıqdan imtina edən regionlarda alternativ təşkilatlar yaradılır. Bu da öz növbəsində parçalanmaya gətirib çıxarır. Bu cür hal Ulyanovskda müşahidə olunur. Sual olunur ki, yerlərdə və regionlarda stabilliyi pozmaqla Abbas Abbasov hansı mənsəbə qulluq edir?

– Bu çətinləşən situasiyadan çıxış yolu necədir? FNKA-nın gələcəyi varmı?

– Çox istəyirəm ki, FNKA-nın gələcəyi olsun. FNKA böyük və güclü təşkilatdır. O, Rusiya-Azərbaycan münasibətlərində açar rolunu oynayır. Buna görə də parçalanmanın qarşısını mütləq almaq lazımdır. Bunun üçün vahid FNKA "AzərRos" qurultayı yaratmaq və bütün regional nümayəndəliklərin bu qurultayda iştirakına nail olmaq lazımdır. Və bu qurultayda nizamnaməyə müvafiq demokratik səsvermə yolu ilə gündəmdə olan bütün sualların həllini tapmaq vacibdir. Mən şəxsən yanvarın 17-də Söyün Sadıqovun rəhbərliyi ilə keçirilən qurultayda iştirak etmişəm. İştirakçılar çıxışlarında çox müdrik qərara gəldilər ki, tərəf-müqabillərinin iştirakı olmadan heç bir məsələ müzakirə olunmasın, onların iştirakı təmin olunsun və fikirləri dinlənilsin. Qurultayın işində müvəqqəti fasilə elan olundu. Növbəti birləşdirici qurultay aprel ayının 14-nə təyin olunub. Öz həmvətənlərinin fikirlərini dinləmək əvəzinə Abbasov və onun tərəfdarları fevral ayının 20-də öz qurultaylarını keçirdilər. Kvorumun yığılmaması azmış kimi yeni qalmaqal da meydana gəldi. Abbas Abbasovun muzdlu dağıstanlı xuliqanları onu qane etməyən təşkilat üzvlərini zala buraxmayıblar. Bu və ya digər şəkildə qanunsuz çağırılmış qurultay fiaskoya uğradı. Aprel ayının 14-nə qədər vaxtımız var. Mən bütün şöbə və regional təşkilat rəhbərlərini şəxsi maraqlarından asılı olmayaraq bir araya toplaşmağa, diskussiyalar aparmağa və bütün problemləri çözməyə çağırıram. Fikrimcə bu, yeganə mümkün çıxış yoludur.

Əgər Mehriban Sadıqova, Rüstəm Arifcanov, Cəmil Sadıqbəyov, Vaqif Adgözəlov, Vidadi Abbasov, Ağadadaş Kərimov, Şirvan Kərimov, Rövşən Əliyev, Fayaz Paşayev və Sərdar qurultayda iştirak etməsələr, bu göstərəcək ki, onlar konfliktlərin konstruktiv şəkildə həll olunmasında maraqlı deyillər, Azərbaycan-Rusiya münasibətlərinin pisləşməsinə çalışan qüvvələrin maraqlarına qulluq edirlər. Azərbaycan xalqının maraqlarına zidd fəaliyyət göstərərək Abbasovun maraqlarının təminatçısı kimi çıxış edirlər.

Sonda bütün "AzərRos" həmkarlarıma müdriklik, cəsarət və qətiyyətli olmağı arzulayıram. Qoy hər şey yaxşı olsun!