Ana səhifə Gündəm |
“Abşeron” yatağı təkcə daxili tələbatı deyil, eyni zamanda ölkəmizin xarici bazarlara çıxış imkanının da artmasına gətirib çıxaracaq. Bu yatağın mövcud potensialı və əldə edilən gəlir hesabına qeyri-neft sektorunun inkişaf etdirilməsi mümkündür.
Bu sözləri Axar.az-a iqtisadçı alim, millət vəkili Vüqar Bayramov Prezident İlham Əliyevin Bakı Dərin Özüllər Zavodunda “Abşeron” yatağının dəniz əməliyyatlarının təməlqoyma mərasimində iştirakı haqda danışarkən deyib.
Millət vəkilinin sözlərinə görə, Azərbaycanın həyata keçirdiyi neft strategiyası yalnız neft sektorunun inkişafı üçün deyil, eyni zamanda qeyri-neft sektorunun maliyyə təminatının gücləndirilməsi üçün vacibdir:
“Bu baxımdan “Abşeron” yatağı Azərbaycanın neft-qaz strategiyasının həyata keçirilməsi baxımından önəmlidir. Bu yatağın ümumi ehtiyatı 360 milyon kubmetrdir. Eyni zamanda yataqda 100 milyon ton kondensat var ki, bu da yatağın əhəmiyyətini göstərən əsas faktorlardan biridir.
Azərbaycan 1994-cü ildə Əsrin müqaviləsini imzaladıqdan sonra həm mövcud təbii ehtiyatlarının səmərəli istifadə edilməsi, həm də xarici bazara çıxarılması siyasətini davam etdirir. Eyni zamanda bu, iqtisadiyyatdakı balansın və inkişafın qorunub saxlanması baxımından çox vacibdir”.
Tarix
2020.09.21 / 15:54
|
Müəllif
Turan Rzayev
|