Ana səhifə Gündəm |
Bu gün Azərbaycan Prezidenti yanında Strateji
Araşdırmalar Mərkəzində (SAM) rusiyalı tarixçi və hüquqşünas Oleq
Kuznetsovun "XX əsrdə transmilli erməni terrorizmi:
Tarixi-kriminoloji tədqiqat" adlı kitabının təqdimat mərasimi
keçirilib.
Publika.az-ın məlumatına görə, tədbirdə çıxış edən müəllif deyib
ki, keçmiş SSRİ məkanında azərbaycanlılara qarşı müharibəyə Yaxın
Şərq ölkələrindən, eləcə də Cənub-Şərqi Avropadan, Qərbi Avropadan
və ABŞ-dan erməni millətindən olan 6 minə yaxın xarici muzdlu
hərbçi cəlb olunub. Onun sözlərinə görə, Dağlıq Qarabağdakı
müharibə erməni milliyyətçiliyinin Azərbaycan xalqına qarşı terror
müharibəsidir: "Dağlıq Qarabağa gəlmiş döyüşçülər altruist deyil,
sözün həqiqi mənasında muzdlu hərbçilər, terrorçular olub.
Azərbaycanlı qocaları, qadın və uşaqları abstrakt siyasi ideallar
yolunda yox, pul naminə qətlə yetiriblər. Məsələn, Ermənistan
Dövlət Milli Təhlükəsizlik İdarəsinin kəşfiyyat əməliyyatları
şöbəsinin rəisi, polkovnik-leytenant Caan Ohanesyan, həmin idarənin
mayoru Aşot Qaloyan və onlara qoşulmuş digər şəxs – Rusiyanın
Federal Əks-kəşfiyyat Xidməti terrorizmə qarşı mübarizə idarəsi
2-ci şöbəsinin məsləhətçisi Boris Simonyan haqqında Tambov
qarnizonu Hərbi Məhkəməsinin 11 mart 1996-cı il tarixli hökmündə
açıq şəkildə bildirilir ki, onlar Azərbaycan Respublikasına qarşı
silsilə terror aktları həyata keçirmək məqsədilə Rusiya
Federasiyası ərazisində hazırlıq işlərinə görə ittiham
ediliblər".
Oleq Kuznetsov deyib ki, ermənilərin Azərbaycana qarşı törətdikləri
cinayətlər kommersiya məqsədi daşıyır: "Erməni terrorizminin
kommersiya maraqları özünü ilk dəfə XX əsrin əvvəllərində -
katolikos I Mkrtıçın və erməni həvari kilsəsinin din xadimlərinin
ekstremist və radikal erməni siyasi qruplaşmalarını Rusiya
hakimiyyətinə qarşı açıq mübarizəyə qalxmaq çağırışlarında qabarıq
şəkildə özünü büruzə verib".
Tarix
2015.04.22 / 12:55
|
Müəllif
Axar.az
|