"1915-ci ildən başlayaraq Osmanlı İmperatorluğundan ermənilər ölümə sürgün olundular və qətl edildilər".

Axar.az xəbər verir ki, bu açıqlama ilə ABŞ Prezidenti Barak Obama çıxış edib. O, 1915-ci il hadisələri ilə bağlı ənənəvi şərhində "soyqırım" ifadəsini işlətməyib.

ABŞ Prezidenti 1915-ci ildə baş verən hadisələri ermənicə "Meds Yeghern", yəni "böyük fəlakət" kimi xarakterizə edib:

"1915-ci ildən başlayaraq Osmanlı İmperatorluğundan ermənilər ölümə sürgün olundular və qətl edildilər. Həmin ərəfədə 1,5 milyon erməni can verdi. Gerçəklərin qəbul edilməsi hamımızın mənfəətinədir. Tarixin bu qaranlıq səhifəsinə işıq tutmağa çalışan Roma Papasının, türk və erməni tarixçilərin səylərini alqışlayırıq. Bu fəlakətin unudulmayacağına söz veririk".