Axar.az
Yuxarı

Oyuncağa çevrilən Ermənistan - Bəyanat

Ana səhifə Gündəm
12 Punto 14 Punto 16 Punto 18 Punto

Tokioda fəaliyyət göstərən Azərbaycan-Yaponiya Dostluq Mərkəzi Ermənistan silahlı qüvvələrinin sentyabrın 27-də genişmiqyaslı təxribat törədərək, cəbhəboyu zonada yerləşən Azərbaycan Ordusunun mövqelərini, Tərtər rayonunun Qapanlı, Ağdam rayonunun Çiraqlı və Orta Qaravənd, Füzuli rayonunun Alxanlı, Şükürbəyli və Cəbrayıl rayonunun Cocuq Mərcanlı kəndlərini iriçaplı silahlar, minaatanlar və müxtəlif çaplı artilleriya qurğularından intensiv atəşə tutması ilə bağlı bəyanat yayıb.

Axar.az xəbər verir ki, bu barədə mərkəzin sədri, Dünya Azərbaycanlılarını Əlaqələndirmə Şurasının üzvü Xəlil Kələntər məlumat verib.

Bəyanatda deyilir ki, Ermənistan tərəfinin növbəti təxribatı, qanlı cinayəti Yaponiyada yaşayan azərbaycanlılar tərəfindən etirazla qarşılanıb və qətiyyətlə pislənilib. Bu təxribatlara görə bütün məsuliyyət Ermənistanın hərbi-siyasi rəhbərliyinin üzərinə düşür.

Sənəddə vurğulanır ki, xarici dövlətlərin əlində oyuncağa çevrilən Ermənistan Azərbaycanın 1990-cı illərin əvvəllərindəki ölkə olmadığını bilməlidir. İndi Azərbaycanın güclü ordusu, praqmatik, dərin zəkalı Ali Baş Komandanı var. Azərbaycan Ordusu Ali Baş Komandanının əmri ilə işğal altında olan torpaqlarını azad etməyə qadirdir.

Qeyd edilir ki, münaqişənin daim sülh yolu ilə həllinə tərəfdar çıxan Azərbaycanın səbir kasası artıq dolub. Ölkəmiz artıq erməni təxribatlarına dözməyəcək və düşmənə layiqli cavab verəcək. Biz bunu 2016-cı ilin Aprel döyüşlərində, bu ilin iyulunda Tovuz rayonu istiqamətində gedən döyüşlərdə, eləcə də bu gün görürük. Azərbaycan Ordusu nəinki ermənilərin hücumunu dayandırdı, hətta əks-hücumla bir neçə yaşayış məntəqəsini işğaldan azad etdi.

İşğal altındakı torpaqlarımızı azad etmək Azərbaycan dövlətinin və xalqımızın haqq, ədalət işidir.

Bəyanatın sonunda Azərbaycan-Yaponiya Dostluq Mərkəzi beynəlxalq ictimaiyyəti Azərbaycan torpaqlarında ədaləti bərpa etməyə, xalqımızın haqq işində ona dəstək olmağa çağırır.

Tarix
2020.09.29 / 00:36
Müəllif
Axar.az
Şərhlər
Digər xəbərlər

Bayraqdardan Azərbaycana: Cansan can...

Bizim çox əhəmiyyətli nailiyyətlərimiz var - Prezident

Paşinyanın qızı rusları belə təhqir edir - Foto

Erməninin 19 hərbçisini məhv edən Araz... - Video

Ukraynadakı azərbaycanlılar seçkilərdə namizəd oldu

Bakının da mövqeyinin yayılması ədalətli olardı - Lamber

Düşmənin döyüş texnikaları məhv edildi - Video

15 yaşınadək uşaqların əsgər kimi işə götürülməsi... - Hacıyev

Düşmən Naftalan və Füzuliyə "Smerç"lər atdı - Foto

Düşmənin növbəti çarəsizliyi: uşaqlar da müharibədə... - Video

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla