Yuxarı

Bayrağı təhqir edən tələbəni neçə il həbs gözləyir?

Ana səhifə Gündəm
12 Punto 14 Punto 16 Punto 18 Punto

Bu gün sosial şəbəkələrdə onlayn dərs zamanı Dövlət Bayrağını təhqir etdiyi üçün universitetdən xaric edilən BDU tələbəsi Pərviz Məhəmmədovla bağlı kampaniya başlayıb. Kampaniya çərçivəsində bəzi şəxslər tələbəyə verilən cəzanın sərt olduğunu, bəziləri isə onun məsuliyyətə cəlb olunmasını tələb edir.

Məsələ ilə bağlı Axar.az-a açıqlama verən millət vəkili Fazil Mustafa bildirib ki, tələbə üzr istəyərsə, cəzası yüngülləşdirilə bilər:

“Dövlət atributlarının qorunması ilə bağlı qanunvericilikdə müddəalar var. Dövlət Bayrağımız da bu atributlardan biridir. Bayrağımızı təhqir edənlər məsuliyyətə cəlb olunmalıdır. Hesab edirəm ki, bu şəxsə yaşı az və tələbə olduğu üçün şans verilməlidir. O şərtlə ki, o, bayrağımıza qarşı bir daha belə ədəbsiz, tərbiyəsiz davranışlara yol verməyəcəyini bildirsin. Məqsədimiz insanı tam sıradan çıxarmaq, məhv etmək olmamalıdır. İslah etməliyik. Ola bilər ki, o, hansısa hisslərlə, duyğularla, cahillikdən, nadanlıqdan bu addımı atıb. Bu hərəkətinə görə birdəfəlik linç etmək doğru olmaz. O insan öz-özünü nüfuzdan salıb. Bayrağımıza qarşı hörmətsizlik edən ilk növbədə bunu özünə qarşı edir. Əgər o, xalqdan üzr istəyərsə, bağışlana bilər. Yaşlı və təcrübəli insan bu cür davranış sərgiləyərdisə, ona qarşı sərt addımların atılmasının tərəfdarı olardım. Amma təcrübəsiz tələbə bu cür davranırsa, günahını və nadanlığını başa düşəcəyi halda ona şans tanımalıyıq”.

Məsələyə münasibət bildirən hüquqşünas Səməd Vəkilov isə bildirib ki, tələbə ilə bağlı cinayət işi açılarsa, ona 2 ilədək azadlığın məhdudlaşdırılması cəzası verilə bilər:

“Azərbaycan Respublikasının Cinayət Məcəlləsinin 324-cü maddəsinə əsasən Dövlət Bayrağına və Gerbinə qarşı təhqiredici hərəkətlərin edilməsi 2 ilədək azadlığın məhdudlaşdırılması və ya 1 ilədək azadlıqdan mərhumetmə ilə cəzalandırılır. Hazırda onun haqqında cinayət işinin başlanıb-başlanmaması barədə məlumat yoxdur”.

Hüquqşünas qeyd edib ki, tələbə barəsində cinayət işi açıldığına və təqsiri sübut edildiyinə görə deyil, BDU-nun daxili nizamnaməsinə görə universitetdən xaric edilib:

“Yəni bu, hələ onun işlətdiyi əmələ hüquqi qiymət verilməsi demək deyil”.

Tarix
2020.11.27 / 16:45
Müəllif
Nərmin Əkbərli
Şərhlər
Digər xəbərlər

Araikin müsahibəsi buna görə yayımlanmadı - Sensasion iddia

Bəs, İranın “qırmızı xətti” idi? Tehran niyə səsini çıxarmır?

İran bu ölkələri Xəzərə buraxmaq istəmir

Bu, Bakıya təhdiddir: hazırlaşmalısınız – Mixaylov

Makronun “revanş” cəhdi Nikolu niyə qorxutdu?..

Nikolun Qarabağ qərarından sonra Putin ona dedi ki… - Lavrov

Bu, Azərbaycanın siyasi cəsarətini nümayiş etdirdi - Video

Fransa universitetində Bakının siyasətindən danışıldı

Simonyan: Qafarovaya bunu dedim, razılaşdıq… - Yeni görüş

“Dünya masası” qurulur: Bakı orda olacaq, həm də…

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla