Türkiyədə keçirilən parlament seçkiləri İran mətbuatında da işıqlandırılıb.

Axar.az xəbər verir ki, ölkənin rəsmi xəbər agentliyi İRNA "Türkiyə siyasətində naməlum bir dövr başladı" adlı məqalədə "Ərdoğanın ulduzu sönməyə başladı" ifadəsinə yer verib.

Agentlik AKP-dəki mövcud vəziyyəti Turqut Özalın liderliyindəki ANAP-ın son dövrünə bənzədərək sonuncunun 3-cü dövrdən sonra eniş mərhələsinə keçdiyini xatırladıb.

İran dövlət televiziyası isə bu nəticələrin ardından Prezident Ərdoğanın prezident sistemini rəfə qaldırmağa məcbur olacağını bildirib.

İranın "Fars" xəbər agentliyi "Ərdoğanizm bitdi" başlıqlı yazıda Türkiyə xalqının Ərdoğan siyasətlərinə "yox" dediyini iddia edib.

Nüfuzlu "Şərq" qəzeti isə Türkiyədə demokratiyanın qazandığını, Ərdoğanın isə məğlub olduğunu bildirib.