"Cinayət işi açılıb, axtarış gedir, yoxlayırlar".

Bu sözləri əməkdar artist Nüşabə Ələsgərli prodüseri olmuş Vəfa Vaqifqızının adının insan alverində hallanması ilə bağlı Axar.az-a danışarkən deyib:

"Biz onunla uzun müddət bundan əvvəl əməkdaşlıq etmişik. Mən çox adamla əməkdaşlıq etmişəm, indi nə bilim onlar nə işlə məşğuldurlar? Nə bilim ki, bunlar şərdir, böhtandır, yoxsa həqiqətdir? Məhkəmə prosesindən xəbərim yoxdur. Cinayət işi açılıb, axtarış gedir, yoxlayırlar. Dəlil tapsalar, cəzası veriləcək. Tapmasalar, buraxacaqlar gedəcək".

Qeyd edək ki, bu gün Bakı Ağır Cinayətlər Məhkəməsində qadınları fahişəliyə cəlb etməkdə təqsirli bilinən prodüser Vəfa Vaqifqızının cinayət işi üzrə məhkəmənin hazırlıq iclası keçirilib.