Bu gün Azərbaycan Milli Azadlıq Hərəkatının lideri, Azərbaycanın ikinci prezidenti Əbülfəz Elçibəyin doğum günüdür.

Elçibəy 1938-ci ildə Ordubad rayonunun Kələki kəndində dünyaya gəlib.

O, təkcə Azadlıq hərəkatındakı roluna görə deyil, həm də xalqının mənəvi dəyərlərinə bağlılığı ilə də yaddaşlara köçüb.

Nəhəng Sovet imperiyası dönəmində türkçülük ideyalarına görə məruz qaldığı təzyiqlər belə onun millət sevgisindən qətiyyən böyük deyildi.

Tarixin əksər dövrlərində şairlər hökmdarları mədh ediblər. Ancaq Elçibəyin türk şair Nəcib Fazıl Qısakürəkin "Sakarya türküsü" şeirini ürək yanğısıyla oxuması həmin şeiri bu gün də dillər əzbəri edib.

Xalqına, dövlətinə bağlılığının gücü bu gün də onun Azərbaycan xalqının ürəyindən qopmasına imkan vermir.

2000-ci ilin 22 avqustunda Ankarada vəfat edən və özündən sonra böyük bir xalq sevgisi qoyub gedən bu böyük şəxsiyyəti hörmətlə anırıq.

Allah rəhmət eləsin...