Belarus Azərbaycan və Ermənistan arasında kəskinləşən münaqişədən narahat idi.

Axar.az xəbər verir ki, bunu Belarus Prezidenti Aleksandr Lukaşenko Azərbaycanın Belarusdakı fövqəladə və səlahiyyətli səfiri Lətif Qəndilovun ölkədəki diplomatik missiyasının başa çatması münasibətilə görüşündə deyib.

“Əsasən ölkənizin və Prezidentinizin mövqeyi sayəsində vəziyyəti sabitləşdirməyə, mövcud problemlərin sülh yolu ilə həllinə nail oldunuz. Əlbəttə ki, barışa gedən yol yeni başlayıb”, - deyə Belarus lideri bildirib.

O, Belarusa karbohidrogen xammalı tədarükünə görə Azərbaycan tərəfinə təşəkkürünü bildirib:

“Əhsən sizə, Qərb dövlətlərinin təzyiqi altına düşmədiniz. Sözünüzü tutursunuz. Razılaşdığımız kimi də hərəkət edirsiniz. Bizə güvənə bilərsiniz, bu yaxınlarda Azərbaycana səfərim zamanı əldə olunan razılaşmaları həyata keçirməyə hazırıq”.