11:48

Azərbaycan Naxçıvana Ermənistan ərazisindən yol əldə edəcək.

Axar.az xəbər verir ki, bunu Ermənistan Mülki Müqavilə Partiyasından olan deputat Qagik Melkonyan deyib.

“Biz bunu “yol” adlandırırıq, onlar buna “dəhliz” deyirlər. Biz Qarabağa necə gedib-gəlirik? Onlar da eyni şeyi etmək imkanına sahib olmalıdırlar, onların da Azərbaycan-Naxçıvan yolu olmalıdır. Biz Qarabağa gömrük-keçid məntəqəsi olmadan, yalnız keçid məntəqələrindən keçərək gedirik, onlar da Naxçıvana sərbəst gedib-gəlməlidirlər. Bu, belə də olmalıdır, yolların açılmasına getməliyik. Ağdərə-basarkeçər, eləcə də Qazaxdan Gürcüstan istiqamətinə yollar açılmalıdır”, – deyə o bildirib.

“Joxovurd” qəzeti yazıb ki, Ermənistan hökuməti bununla təkcə Azərbaycanın Naxçıvan yol əldə etməsinə razılıq vermir, həm də erməni tərəfinin bu yola nəzarət edəcəyinə əmin deyil.