Bir çox ölkədə banklar müştərilərin kartlarda saxladığı maaşa görə əlavə faiz və ya bonus ödənişi təqdim edir. Bu təcrübə həm əmanətçiləri stimullaşdırır, həm də bank sektorunda rəqabəti gücləndirir. Belə bir addım həm vətəndaşların maliyyə imkanlarını artırar, həm də bankların xidmət keyfiyyətini yüksəldə bilər. Bəs, ölkəmizdə bu təcrübə gerçəkləşə bilərmi?

Axar.az xəbər verir ki, mövzu ilə bağlı iqtisadçı Natiq Cəfərli Big.az-a açıqlamasında bildirib ki, hesabdakı qalığa görə ayın sonunda müəyyən dərəcədə dividend banklarda var.

Ekspert xatırladıb ki, vəsaitin kartda saxlanması və xərclənməsi dövlət üçün xeyirlidir, çünki nağdsız ödənişlərdə vergidən yayınmanın qarşısı alınır:

"Buna görə də vəsaitlərin nağdlaşdırılmamasını stimullaşdırmaq dövlətin marağında olmalıdır".