2026.01.25. 11:47

ABŞ-da qış fırtınası səbəbindən təxminən 132 000 ev elektriksiz qalıb və 12 000-dən çox uçuş ləğv edilib.

Axar.az xəbər verir ki, bu barədə “NBS Nyus” məlumat yayıb.

Məlumata görə, Texas, Luiziana və Nyu Yorkdan Orta qərb və Atlantika regionuna kimi 37 ştat pis hava şəraitindən əziyyət çəkir. Nyu Yorkda 3 nəfərin öldüyü bildirilir.

18 ştatda artıq fövqəladə vəziyyət elan olunub.

Temperaturun mənfi 10-40 dərəcəyədək düşəcəyi bildirilir.

***

Qar fırtınası səbəbindən elektrik enerjisinin kəsildiyi ev təsərrüfatlarının sayı 730 minə çatıb.

Bu barədə "PowerOutage" monitorinq resursu məlumat yayıb.

Ən çox elektrik kəsilməsi Texas, Luiziana, Missisipi və Tennessi ştatlarında qeydə alınıb, sonuncuda 240 mindən çox abunəçi elektriksiz qalıb.

Qeyd olunub ki, ABŞ-da havaya görə səbəbindən ləğv edilən uçuşların sayı da 10 mini keçib.

***

ABŞ ştatlarında tüğyan edən qar fırtınası səbəbindən 7 nəfər həlak olub.

Bu barədə CNN-nin yaydığı məlumatda deyilir.