Sizcə, Paşinyan niyə əvvəlki müdafiə nazirinin yerinə sorosçu Suren Papikyanı təyin etdi? Çünki bu qərar Ermənistan ordusunda Rusiya ilə qarşılıqlı fəaliyyətə yönəlmiş qruplaşmanın hələ də çox güclü olmasından ehtiyatlanan NATO ölkələri üçün lazım idi.

Axar.az xəbər verir ki, bu fikirlərlə Rusiya Şurasının beynəlxalq məsələlər üzrə eksperti Aleksey Fenenko bölüşüb.

“Vəziyyətin gərginləşməsi bütün dünyaya bəyan etmək üçün növbəti bəhanədir ki, Rusiya müttəfiqi olan Ermənistanı müdafiə etmək istəmir.

Ermənistan Təhlükəsizlik Şurasının katibi Armen Qriqoryan açıq şəkildə bildirdi ki, Moskva və KTMT Ermənistana kömək etməsə, onlar başqa beynəlxalq təşkilatlardan dəstək istəyəcək. Yəni Ermənistan hakimiyyəti xırda şantajla hərəkət edir.

Yeri gəlmişkən, Avropa İttifaqı artıq Azərbaycan tərəfindən "təcavüz" edildiyini bəyan edib və bununla da Ermənistana mənəvi dəstək verib.

KTMT isə ənənəvi olaraq Ermənistana dəstək vermədi, çünki regiondakı gərginlik Ermənistandan başqa heç bir ölkəyə lazım deyil. Bundan başqa, Paşinyanın KTMT-yə qarşı nə dərəcədə düşmənçilik dolu siyasət apardığını gördük. Bunların fonunda biz İrəvanda mütəmadi olaraq keçirilən antirusiya mitinqlərini də görürük. Ölkə daxilində antirusiya elektoratı artır”, - o bildirib.

Ekspertin sözlərinə görə, Paşinyanın üçün hazırda əsas məqsəd Rusiyanın Ermənistana pis münasibət bəslədiyini göstərmək və eyni zamanda Qərbdən olan qrant strukturlarının fəaliyyətinə imkan yaratmaqdır.