Demokratik Təşəbbüslər İnstitutu (İDİ) 2015-ci ilin noyabr ayında keçiriləcək parlament seçkilərinin azad, ədalətli və şəffaf keçirilməsinin təmin edilməsi üçün seçkiöncəsi mühitin və seçki prosesinin gedişini tənizimləyən mövcud qanunvericilik bazasının beynəlxalq standartlar çərçivəsində götürülmüş öhdəliklərə cavab verməsi istiqamətində apardığı araşdırmalara əsaslanaraq vətəndaş cəmiyyəti təmsilçiləri və siyasi partiyalarla müzakirələri davam etdirib.

Axar.az xəbər verir ki, təşkilatın yaydığı məlumatda İDİ-nin bu görüşlər çərçivəsində müxtəlif ictimai birlik rəhbərləri, o cümlədən seçkinin əsas tərəflərindən olan siyasi partiyalardan VHP sədri Sabir Rüstəmxanlı və Ədalət Partiyasının sədri İlyas İsmayılovla görüş keçirdiyi bildirilir.

Görüşlərdə Təşəbbüsün təmsilçisi kimi İDİ sədri, MSK üzvü Akif Qurbanov və hüquqşünas-ekspert Ələsgər Məmmədli çıxış etmişlər.

Təşkilat seçki prosesində müşahidəçi kimi iştirak edən vətəndaş cəmiyyətinin və seçkinin əsas tərəflərindən olan yuxarıda qeyd edilən siyasi partiyaların rəy və təkliflərini dinləyib, bu təklif və rəylərin yaxın günlərdə geniş ictimaiyyətin birgə müzakirəsinə çıxaracağını ifadə edib.