Azərbaycanda keçiriləcək parlament seçkilərini hər kəs internet üzərindən izləyə bilər.

Axar.az xəbər verir ki, bu sözləri Mərkəzi Seçki Komissiyasının (MSK) təşkilatçılığı ilə dairə seçki komissiyalarının sədrləri üçün keçirilən müşavirədə MSK sədri Məzahir Pənahov deyib.

MSK sədri qeyd edib ki, Azərbaycanda internetin azad olması və hər kəs üçün əlçatımlılığı seçki prosesinin izlənməsinə hamı üçün eyni şəraiti yaradır. Onun sözlərinə görə, ölkənin internet infrastrukturunun inkişaf etdirilməsi nəticədə seçki prosesinin bütün dünyaya yubanmadan, donmadan və qırılmalar olmadan göstərilməsinə imkan verir.

M.Pənahov seçkiləri müşahidə etmək istəyən yerli və beynəlxalq müşahidəçilərə hər cür şərait yaradıldığını da vurğulayıb.