Ölkənin siyasi avanqardı sayılan Yeni Azərbaycan Partiyasının qarşıdan gələn parlament seçkiləri ilə bağlı namizədlər siyahısını açıqlaması bir çox suallara aydınlıq gətirib.

Axar.az xəbər verir ki, bir neçə saat əvvəl açıqlandığı kimi, YAP ölkə üzrə 7 seçki dairəsindən deyil, 8 DSK-dan namizəd irəli sürməyib. Öz açıqlamasında YAP yetkililəri namizəd irəli sürməyəcəkləri seçki dairələrindən müstəqil namizədlərə dəstək verə biləcəyini də bəyan etmişdilər.

Maraqlı məqam isə YAP-ın namizəd irəli sürmədiyi 8 seçki dairəsindən ötən seçkilərdə seçilən və bu seçkilərdə namizədliyini irəli sürən deputatlardır.

Beləliklə, YAP bu dairələrdən namizəd irəli sürməyib:

1. 3 saylı Babək-Kəngərli-Naxçıvan seçki dairəsi – Səttar Mehbalıyev
2. 7 saylı Ordubad-Culfa seçki dairəsi – Qüdrət Həsənquliyev
3. 50 saylı Abşeron-Qobustan seçki dairəsi – Zeynəb Xanlarova
4. 60 saylı Salyan-Neftçala seçki dairəsi – Fəzail Ağamalı
5. 66 saylı Cəlilabad şəhər seçki dairəsi – Xanhüseyn Kazımlı
6. 93 saylı Bərdə şəhər seçki dairəsi – Zahid Oruc
7. 116 saylı Qəbələ seçki dairəsi – Fəttah Heydərov
8. 122 saylı Xankəndi seçki dairəsi – Flora Qasımova