Axar.az
Yuxarı

“Heç rüşvət də demək olmaz, reketlik edilib”

Ana səhifə Gündəm
12 Punto 14 Punto 16 Punto 18 Punto

Bu, dəhşətli faktlardır. Dövlət nümayəndələri tərəfindən sahibkarlara qarşı nə qədər böyük ədalətsizliklər edilib. Onlara qarşı əsassız tələblər irəli sürülüb. Onların əmlakı bəzi hallarda əllərindən alınıb.

Axar.az xəbər verir ki, Prezident İlham Əliyev bu sözləri noyabrın 4-də Şəki Məhkəmə Kompleksinin yeni inzibati binasının açılış mərasimindəki nitqində bildirib.

Dövlət başçısı qeyd edib ki, sahibkarlardan külli miqdarda rüşvət alınıb: "Bəzi hallarda reketlik edilib. Ona heç rüşvət də demək olmaz. Rüşvət o vaxt verilir ki, kimsə nə isə etmək istəyir, işi asanlıqla getsin deyə rüşvət verir.

Amma bəzi hallarda sadəcə olaraq sahibkarların əlindən əmlak, vəsait alınır, onlara hədə-qorxu gəlirdilər, işgəncələr verirdilər. Ona görə ədalətli məhkəmə sistemi bu faktlara adekvat qiymət verməlidir".

Ölkə başçısının sözlərinə görə, heç bir cəmiyyət kamil deyil: "Hər bir ölkədə pozuntular var. Misal üçün inkişaf etmiş ölkələrdə gizli həbsxanalar yaradılıb.

Bu, neçə il bundan əvvəl böyük bir beynəlxalq qalmaqala çevrilib. İnkişaf etmiş ölkələr, demokratiyanın beşiyi sayılan ölkələr bax, bu işlərlə məşğuldurlar.

İnsanlar qanunsuz, məhkəmə qərarı olmadan illərlə həbsxanalarda saxlanılır. Bu, yaraşarmı inkişaf etmiş ölkələrə?! Əlbəttə, yaraşmaz. Bəzi hallarda inkişaf etmiş ölkələrdə insanlar siyasi fəaliyyətə görə həbs edilir, saxlanılır".

Prezident vurğulayıb ki, bəzi hallarda onları neçə il girov kimi saxlayırlar: "Bəzi hallarda inkişaf etmiş ölkələrdə əsassız, ədalətsiz hökmlər çıxarılır. Bu, göz qabağındadır. Kimin pulu varsa, gedir güclü vəkil tutur və məsuliyyətdən boyun qaçırır.

Yəni bu, hər bir ölkədə var. Amma mən istəyirəm ki, Azərbaycanda olmasın. Mən istəyirəm ki, Azərbaycanda hər şey ədalətli olsun. Əminəm ki, siz də bunu istəyirsiniz, Azərbaycan xalqı da bunu istəyir.

Ona görə də məhkəmə işçilərinin fəaliyyətindən çox şey asılıdır. Yenə də demək istəyirəm, son vaxtlar bu sahədə aparılan islahatlar və verilmiş qərarlar, onların icrası müsbət dinamikanı təmin edir. Ancaq hələ görüləsi işlər çoxdur".

Tarix
2015.11.05 / 10:59
Müəllif
Emil Salamoğlu
Şərhlər
Digər xəbərlər

İranın Bakıdakı iki təbliğat strukturu çökdürüldü

Tanklarımız Türkiyədə keçirilən təlimlərdə - Foto

Bakıda İran casus şəbəkəsi ifşa edildi: 7 nəfər saxlandı

Çavuşoğludan Azərbaycan qazı ilə bağlı açıqlama

Macarıstan üçün Azərbaycan etibarlı dostdur

Təbriz Universitetində Bakıya dəstək aksiyası keçirildi

Əhməd Obalı Xoy üçün Bakıya çağırış etdi

Xankəndidən İrəvana daha 3 xəstə aparıldı

Rus mediası: “İrəvan qardaşımız” bizə qarşı cəbhə açır

Mehriban Əliyeva Budapeştdən yeni fotolar paylaşdı

KULT
<>
Xəbər xətti
Axar.az'da reklam Bağla
Reklam
Bize yazin Bağla