Türkiyə və Pakistan hərbçiləri Səudiyyə Ərəbistanına yerləşdiriləcək.

Axar.az xəbər verir ki, bu barədə "TRT Haber" məlumat yayıb.

Məlumata görə bu gün Məkkə Birgə Müdafiə Sazişi çərçivəsində keçirilən fövqəladə iclasda bəyanat qəbul edilib:

"Komitə kollektiv müdafiə öhdəliklərinin icrasına təxirəsalınmadan başlamağı, bu çərçivədə, tərəflərin milli qanunvericiliyinə uyğun olmaq şərtilə razılaşdırılmış hərbi qüvvələrin və imkanların Səudiyyə Ərəbistanına sürətlə yerləşdirilməsi istiqamətində tədbirlər görməyi, bununla da təhdidlərlə mübarizəyə yönəlmiş hazırlıq vəziyyətini, hərbi inteqrasiyanı və kollektiv potensialı gücləndirməyi qərara alıb”.