Yuxarı

Blinken etiraf edir: İran və Ermənistan sülhü pozacaq!

Ana səhifə Gündəm
12 Punto 14 Punto 16 Punto 18 Punto

2020-ci ilin payızında Ermənistanla Azərbaycan arasında hərbi əməliyyatlar başa çatdıqdan dərhal sonra Qarabağda sülhü qorumaq üçün guya Rusiya 2000 nəfərlik hərbi kontingentini ora yerləşdirib. Bu, Putinə Cənubi Qafqazda nüfuz nümayişinə və erməni separatçıları öz məqsədləri üçün daha da manipulyasiya etməyə imkan verdi.

Axar.az xəbər verir ki, bu barədə ukraynalı politoloq Svetlana Kuşnirin "Censor.net" saytında yayımlanan məqələsində bildirilib.

"Kreml 1994-cü ildən, Birinci Qarabağ müharibəsi başa çatandan bəri Ermənistan-Azərbaycan münaqişəsində əsas vasitəçi kimi özünü göstərib. Əslində, Rusiya əvvəlcə münaqişənin dondurulmasında maraqlı idi - Cənubi Qafqazda təsirini və Ermənistandakı hərbi bazalarını yalnız bu yolla saxlaya bilər. Üstəlik, özünü “Qarabağda təhlükəsizliyin yeganə təminatçısı” adlandıran Moskva 2011-2020-ci illərdə hər iki ölkəyə ən çox silah ixrac edən ölkə olub. Stokholm Beynəlxalq Sülh Araşdırmaları İnstitutunun məlumatına görə, Ermənistanın silah idxalının 94%-i, Azərbaycanın isə 60%-i Rusiyanın payına düşüb. Məhz danışıqlar prosesinin 30 il müddətinə dondurulması və Rusiyanın regiona kütləvi silah tədarükü 2020-ci ilin payızında tammiqyaslı hərbi əməliyyatların bərpası üçün ilkin şərtlər yaratdı.

Son 3 il ərzində Moskva danışıqlar prosesini uzatmaq üçün eyni xətti davam etdirib. Cənubi Qafqazda nüfuzunu və hərbi bazalarını saxlamaqla yanaşı, Kremlin Bakı üzərində təsir rıçaqlarının olması xüsusi əhəmiyyət kəsb edir. Buna səbəb Azərbaycanın AB-də Rusiyaya alternativ əsas enerji təchizatçılarından birinə çevrilməsidir. Ermənistana gəlincə, Moskva Tehranla birlikdə Gürcüstanda olduğu kimi, onun son olaraq Qərbə istiqamətlənməsinin qarşısını almağa çalışır.

Putin Gürcüstandakı osetinlər və abxazlar, Krım və Donbasda rus dünyasının tərəfdarları ilə bağlı olduğu kimi, Qarabağda da erməni separatçılarının marionetkalarından öz məqsədləri üçün istifadə edir.

Rusiyanın dağıdıcı rolunu nəzərə alaraq, 2020-ci il müharibəsindən sonra Qərb Azərbaycanla Ermənistan arasında danışıqlar prosesində daha fəal iştirak edir. Son 3 ildə dövlət başçıları Əliyevlə Paşinyan arasında keçirilən görüşlərin əksəriyyəti Şarl Mişel və Dövlət katibi Entoni Blinkenin təmsil olunduğu AB və ABŞ-ın təşəbbüsü ilə keçirilib. Əgər əvvəllər Blinken yalnız tərəfləri bir-biri ilə birbaşa əlaqə saxlamağa təşviq edirdisə, indi o, etiraf edir ki, Vaşinqtonun fəal iştirakı olmadan Rusiya, İran və Ermənistan sülh prosesini pozacaq.

"Voll Strit Jurnalı" vurğulayır ki, erməni-amerikan icmasının senatoru Menendez və Rep Şiff kimi nüfuzlu dostları Ermənistanın Rusiya və İranla əməkdaşlığını işıqlandıran istənilən ABŞ rəsmilərini cəzalandırmağa çalışırlar", - S.Kuşnir məqaləsində qeyd edib.

Tarix
2023.05.09 / 10:00
Müəllif
Pərviz Həsənov
Digər xəbərlər

Avropa Birliyi Azərbaycana yeni səfir təyin etdi

Zakir Həsənov Türkiyədə hərbi məktəblərin buraxılış mərasimində

Şuşanın bir hissəsini kəşf etdim - Britaniya səfiri

Azərbaycanla bağlı mənə göstəriş verilib ki... - İran səfiri

Rus əsgərlər bir-birini “güllələyib”, medal aldılar - Rəzalət

İlham Əliyev və xanımı Çində səfərdədir - Video

Məşhur həkimdən şok yazı: Səhiyyəmiz niyə batır?

Azərbaycan üzvlük istəyir: Rusiya mane olacaq?

Azərbaycana nifrət edən səfir uduzdu, geri çağırıldı

Paşinyan “bitdi” dedi, Rusiya isə Zəngəzurdan əl çəkmir

KULT
Xəbər xətti
  
  
  
Axar.az'da reklam Bağla
Reklam
Bize yazin Bağla