Yaxın Şərq və Ərəbistan yarımadası bölgəsində müsəlman dünyasının nüfuz savaşının qızışdığı bir vaxtda İran-Səudiyyə qarşıdurması hərbi fazaya keçə bilər. Səudiyyə də Türkiyəni məhz buna görə seçib.

Bu sözləri Axar.az-a açıqlamasında "Şərq-Qərb" Araşdırmalar Mərkəzinin rəhbəri Ərəstun Oruclu deyib. Səudiyyənin Türkiyədən 10 milyard dollar həcmində zirehli hərbi texnika alması barədə razılığı şərh edən politoloq hazırkı regional siyasi mənzərənin hər iki dövlətibu müttəfiqliyəməcbur etdiyini deyib:

"Səudiyyə-İran qarşıdurması fonunda illərdir məzhəbçilik yönündədavam edən münaqişədövlətlərarası münasibətlərə kifayət qədər ciddi təsir edir. İqtisadi, xüsusilə də neft ixracı sahəsində rəqabət güclənir. Yaxın Şərq və Ərəbistan yarımadası bölgəsində müsəlman dünyasının nüfuz savaşının qızışdığı bir vaxtda İran-Səudiyyə qarşıdurması hərbi fazaya keçə bilər. Bu, istisna deyil. Ər-Riyadın Türkiyədən 10 milyard dollar məbləğində silah almasıməhz buna görədir. Türkiyədə də dini yönlü hakimiyyət mövcuddur və AKP hökumətisünni çoxluğa simpatiyasını açıq şəkildə göstərir. Hazırkı reallıq hər iki dövləti müttəfiq olmağa məcbur edir. İran hərbi sənayesini inkişaf etdirən, əhali sayına görə Səudiyyədən üç dəfə böyük və güclü dövlətdir. Bu baxımdan İranın mümkün hərbi təzyiqi qarşısında Səudiyyəyə çox etibarlı bir tərəfdaş lazımdır. Bu, müttəfiq isə Türkiyədir".

Ə.Oruclunun sözlərinə görə, Səudiyyə Qərbin hansı mövqe tutacağından tam əmin deyil:

"Səudiyyə Qərbə etimad göstərmir. Çünki İranın nüvə proqramı ilə bağlı yekun sənədə ən ciddi etiraz edən dövlətdir. Ər-Riyad daim sanksiyalar altından çıxacaq İranıniqtisadi və hərbi cəhətdən güclənməsini özünə təhdid hesab edir. Buna görə də Qərbə də güvənmir. Səudiyyə hazırda Türkiyə ilə müttəfiqliyin davamında olduqca maraqlıdır".

Qeyd edək ki, Səudiyyə Ərəbistanı Türkiyədən 10 milyard dollar həcmində zirehli hərbi texnika alacağına dair razılıq əldə edib.