ABŞ-ın Azərbaycandakı səfiri Robert Sekuta mətbuatımızda yayılan məqaləsi ilə Bakıya bəzi mesajlar verib.

Axar.az xəbər verir ki, bu sözləri politoloq Elxan Şahinoğlu deyib. Siyasi şərhçi amerikalı diplomatın məqaləsindəki bəzi üstüörtülü fikirlərə aydınlıq gətirib:

"Vaşinqtonun Bakıya verdiyi mesajlar bunlardır: 1. Amerika dost münasibətlərindən dolayı Azərbaycanda sabitlikdə maraqlıdır və "rəngli inqilab" Vaşinqton üçün aktuallığını itirib; 2. Amerikanın müxtəlif fondlarının Azərbycanda fəaliyyətinə şərait yaradılmalıdır, onlar bu dəfə daha təhlükəsiz işlərlə məşğul olacaqlar. Məsələn, kənd icmalarına sosial dəstək layihələri icra edə bilərlər; 3. Vaşinqton enerji və təhlükəsizlik sahəsindəki əməkdaşlığa daha çox önəm verir; 4. Azərbaycanın tranzit statusunun artırılmasında maraqlıdırlar, bu məqsədlə də Azərbaycan-İran əməkdaşlığının genişlənməsində problem görmürlər; 5. Dağlıq Qarabağ münaqişəsinin həlli Vaşinqton üçün prioritet deyil".

Qeyd edək ki, dünən mətbuatda ABŞ-ın Azərbaycandakı səfiri Robert Sekutanın 1 illik hesabat xarakterli məqaləsi dərc olunub.