Yuxarı

İrəvan Azərbaycanla sərhədə niyə ordu yığır? - Belyayev

Ana səhifə Gündəm
12 Punto 14 Punto 16 Punto 18 Punto

İrəvan ətrafındakı vəziyyət və Rusiya-Ermənistan münasibətləri ilə bağlı bu gün Kremlin mövqeyi son dərəcə ehtiyatlıdır. Rusiya hakimiyyəti hələ də siyasi xəbərdarlıq taktikasından istifadə edir, Ermənistana onların Qərbə 180 dərəcə dönüşünün nəyə gətirib çıxaracağını sözün əsl mənasında bildirir.

Axar.az xəbər verir ki, bunu rusiyalı politoloq və iqtisadçı Mixail Belyayev deyib.

“Artıq Ermənistana silahların verildiyini görürük. Nə qədər qəribə səslənsə də, bu gün İrəvana erməni tərəfilə ictimaiyyətlə əlaqələr və kommunikasiya sahəsində təcrübə mübadiləsi aparacaq amerikalı hərbi təlimatçılar gəlib. İrəvan Rusiya plastik “Mir” kartlarını öz ərazisində qəbul etməkdən imtina edib. Bu da Ermənistanın Rusiyaya qarşı ikinci dərəcəli Qərb sanksiyalarını tətbiq etməsinə bir işarədir. Müəyyən ssenaridə Ermənistanda hakimiyyətdə rusiyayönlü lider peyda ola bilər. Amma Qərb Rusiya ilə qlobal münaqişə fonunda Ermənistandan elə möhkəm yapışıb və onu xüsusi diqqət mərkəzində saxlayır ki, hələ də güclənən qərbyönlü vektoru kəsmək mümkün deyil. İqtisadi nöqteyi-nəzərdən Rusiyanı, Aİİ-ni Ermənistanda kim əvəz edə bilər? Vəd yox, real şəkildə kim əvəz edə bilər? Bu, ciddi sualdır. Rusiya Ermənistansız yaşaya bilər, biz sadəcə olaraq erməni mallarını həqiqi dost ölkələrin malları ilə əvəz edə bilərik”, - o bildirib.

Belyayevin fikrincə, Aİİ istənilən birlik kimi həmfikirlərin birliyidir:

“Ermənistan Aİİ-nin aparıcı ölkəsi kimi özünü Rusiyaya qarşı qoyursa, demək olar ki, o özünü bütün Birliyə qarşı qoyur, çünki İrəvanın qərbyönlü siyasəti bu strukturda heç bir dövlətin xoşuna gəlmir. Bu isə o deməkdir ki, Aİİ-də belə dost olmayan üzvə yer yoxdur. Cənubi Qafqazı yenidən yandırmaq istəyirlər. Bu baxımdan da ABŞ Azərbaycan əleyhinə qərarlar verir. Ona görə də Nikol Paşinyan indi Azərbaycanın guya hazırladığı hansısa yeni müharibədən danışır. Təxribat məqsədilə Ermənistan qoşunları şərti olaraq Ermənistan-Azərbaycan sərhədinə cəmləşirlər. Ermənistan Amerikanın eksklavına çevriləcək, ABŞ Rusiya üçün bundan sonra da bəlalar yaratmaq siyasətini oradan həyata keçirəcək. Qərb Ermənistanı satın alır. Amma ödəniş saxta və dəhşətli olacaq. Qərbin qucağına düşən istənilən MDB ölkəsinin taleyi bir çox suallar doğurur”.

Tarix
2024.04.02 / 11:54
Müəllif
Zeynəb Əkbər
Şərhlər
Digər xəbərlər

Bayramov Xalid əl-Ənanini qəbul etdi

Fransa əleyhinə aksiya: əsas loqo "Dəmir yumruq" oldu

Daha 3 min rus hərbçisi Qarabağa gətirilir?

İrəvanla Bakı arasında möhkəm və uzunmüddətli sülh...

Qafqazda sülhün təmin edilməsi üçün... - Pronk

Ermənilər Tovuzu atəşə tutdu: Ordumuz cavab verdi

Buna qarşı təcili tədbirlərin görülməsinə ehtiyac var - XİN

Prezidentin nümayəndəsi Sloveniya rəsmiləri ilə görüşdü

Tacikistan prezidenti Azərbaycana gələcək

Ceyhun Bayramov tacikistanlı həmkarı ilə görüşdü

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla