İraq Türkman Cəbhəsi lideri Erşad Salihi hər gün zəng edir, vəziyyətlə maraqlanır.

Axar.az xəbər verir ki, bu barədə millət vəkili Qənirə Paşayeva yazıb. Onun sözlərinə görə, türkmanlar Azərbaycana gəlib canlarını belə verməyə hazır olduqlarını bildirirlər:

"Harada yaşayırsa yaşasın, soydaş soydaşdır, qardaşdır. İraq Türkman Cəbhəsinin lideri Erşad Salihi hər gün zəng edir, vəziyyəti soruşur və Azərbaycana gəlib canlarını belə verməyə hazır olduqlarını bildirir. O, şəhid ailələrinə baş sağlığı verib, eyni zamanda, İraq türkmanlarının da başsağlığı verdiyini diqqətə çatdırıb. Nəinki İraqdan, Türkiyədən də hazırda türkman qardaşlarımızdan çoxlu zənglər gəlir. Bu günlərdə dünyanın hər yerindəki insanımızın bu birliyi millətimizə böyük güc verir. İnşallah, bu güclə torpaqlarımızın hamısını işğaldan azad edəcəyik. İraq türkmanları olan qardaş-bacılarımıza təşəkkür edirik. Allah bu çətin günlərdə onların yardımçısı olsun! Biz də hər zaman onların yanındayıq".